२२ वर्षीया कांग्रेस नेतृ हिमानीको शव सुटकेसमा फेला

काठमाडौँ  : भारत हरियाणाको साम्पलामा कांग्रेस नेतृ हिमानी नरवालको हत्या भएको छ। प्रहरीका अनुसार, हिमानीको हातमा मेहेन्दी र घाँटीमा स्कार्फ थियो, र उनको नाकबाट रगत बगिरहेको अवस्थामा शव फेला परेको थियो। २२ वर्षीया हिमानी नरवालको घाँटी थिचेर हत्या गरिएको प्रारम्भिक अनुसन्धानमा खुलेको छ । शनिबार बिहान, साम्पला बस स्ट्यान्ड नजिकै रोहतक दिल्ली सडकको छेउमा सुटकेसमा उनको शव भेटिएको हो। हिमानी रोहतकमा एक सक्रिय कांग्रेस कार्यकर्ता थिइन् र राहुल गांधीको भारत जोडो यात्रामा पनि भाग लिएका थिइन्। पूर्व मुख्यमन्त्री भूपेन्द्र सिंह हुड्डाले हिमानीको हत्याको उच्चस्तरीय अनुसन्धानको माग गरेका छन्। विजय नगरमा बस्ने हिमानीका छिमेकीहरूले बताएको अनुसार, उनी एक्लै बस्ने गरेकी थिइन्। उनकी आमा र कान्छो भाइ दिल्लीमा बस्छन्। प्रहरीका अनुसार, उनका जेठो भाइको १५ वर्ष अघि हत्या भएको थियो। त्यसपछि, हिमानी लगभग दुई वर्षअघि आफ्नो हजुरआमासँग दिल्लीमा बस्न थालेकी थिइन् । हजुरआमाको मृत्युपछि उनी एक्लै बस्न थालेकी थिइन्। प्रहरीले पोस्टमार्टम रिपोर्टपछि मात्र यस हत्या सम्बन्धी थप जानकारी दिन सक्ने बताएको छ।