कुलमान हटाएको भोलीपल्ट नेप्सेमा भयङ्कर गिरावट

काठमाडौँ । नेपाल स्टक एक्सचेन्ज (नेप्से) परिसूचक उच्च अङ्कले ओरालो लागेको छ। साताको तेस्रो कारोबार दिन मङ्गलवार भारी गिरावटसहित बन्द भएको हो। आज नेप्से सूचक ५५.९० अङ्कले घटेर २ हजार ५८४.८८ विन्दुमा रोकिएको छ भने कारोबार रकम भने केही बढेको छ। आज कूल १ करोड ११ लाख ५५ हजार कित्ता शेयर खरिद–बिक्री हुँदा ५ अर्ब १८ करोड ७ लाख रुपैयाँ बराबरको कारोबार हुन सकेको छ। नेप्से अनुसार आज जम्मा ४ वटा कम्पनीको शेयर मूल्य वृद्धि भएको छ भने २४० वटा कम्पनीको मूल्य घटेको छ।