विराटनगर । मधेश प्रदेशका मुख्यमन्त्री सिंहले युवाहरुको पलायन रोक्न नेपालमा उद्योग र पर्यटन क्षेत्रको विकास गर्नु पर्ने बताएका छन्।
उद्योग र पर्यटनमा लगानी गरेर युवाहरुलाई रोक्न नसके देश अझ पछि पर्दै जाने बताए । सिंहले छिमेकी मुलुक भारत र चीनबाट हिन्दु र बौद्धधर्मावलम्बीहरुलाई ल्याउन सके देशको मुहार फेरिने बताए।
भारतीय पर्यटकलाई नेपालमा सहज वातावरण बनाउन आवश्यक रहेकोमा सिंहले जोड दिए ।
संघीय सरकारले नीति बनाउँदा पनि ध्यान दिन आवश्यक रहेको भन्दै भारतीय पर्यटकले नेपाल आउँदा ल्याउन पाउने रकमको सीमा बढाउन पर्ने बताए ।
सिंहले अहिले देशभरी नै लगानीको वातावरण बनिरहेको र स्कोप समेत रहेको भन्दै यसबाट राम्रो प्रतिफल प्राप्त हुने बताए ।
नेपालको प्राकृतिक सौन्दर्यताको र धार्मिक क्षेत्रको ब्राण्डिङ गर्न आवश्यक रहेको सिंहले बताए ।
नेपालमा सस्तो श्रमिक भएको र उद्योगहरुका लागि समेत राम्रो वातावरण भएको कारण नेपालमा उद्योगहरु खुल्न सक्ने सम्भावना प्रचुर रहेको बताए ।
कतिपय अवस्थामा कानुनी अभावमा पनि उद्योगहरु खुल्न नसकिरहेको बताए ।
युनिकोड
मिति रूपान्तरण
प्रदेश खबर
प्रतिक्रिया