अक्सिजनबिना घण्टौँ पानी भित्र बाँच्ने कोरियाली महिलाका बारेमा वैज्ञानिकले गरे खुलासा

सियोल : दक्षिण कोरियाको जेजु टापुमा विश्वका केही बहादुर महिलाहरू बस्छन्, जसलाई ‘हेनियो समुदाय’ भनिन्छ । उनीहरूमा खास यो क्षमता छ कि उनीहरू बिना अक्सिजन सिलिन्डर घण्टौँसम्म समुन्द्रमा डुब्न सक्छन्।

खासमा तिनीहरू हिउँको पानी मुनी प्रवेश गर्छन्, गहिराइमा पुग्छन् र समुद्री शैवाल, सङ्खको गोला, ओइस्टर, माछा र एबलोन (एक प्रकारको समुद्री सङ्ख) बाहिर निकालिरहेका छन् । यो चलन शताब्दीयौं पुरानो भए पनि आज पनि ६० देखि ८० वर्षसम्मका महिलाले यसलाई दैनिक पालना गरिरहेका छन् ।

तर, अहिले  वैज्ञानिकहरूले यी महिलाहरूको असाधारण साहस र क्षमताको रहस्य पत्ता लगाएका छन्। तिनीहरूको डिएनएमा लुकेको एक अद्वितीय आनुवंशिक अनुकूलन छ, जसले तिनीहरूलाई सामान्य मानिसहरू भन्दा पूर्ण रूपमा फरक बनाइरहेको छ ।

सेल रिपोर्ट्स साइन्टिफिक जर्नलमा प्रकाशित नयाँ अध्ययनका अनुसार ‘हेनियो’ महिलाको शरीरमा दुई वटा प्रमुख आनुवंशिक उत्परिवर्तन भएको पाइएको छ । यसले उनीहरूलाई साधारण मानिसभन्दा लामो समयसम्म समुद्रमा बाँच्न सक्ने शक्ति दिइरहेको छ।

पहिलो अनुकलन यी महिलाहरूमा अरू मानिसहरू भन्दामा एक जिन भिन्नता फेला परेको छ, जसले पानीमा डुबुल्की मार्दा रक्तचाप स्थिर राख्छ। यसबाट उनी आफूलाई सुरक्षित मात्र राख्दैनन् तर गर्भावस्थामा रहेको उनको बच्चाको स्वास्थ्यमा पनि नकारात्मक असर परिरहेको छैन ।

दोस्रो अनुकूलनस् दोस्रो अनुकूलनले चिसोले गर्दा हुने पीडालाई सहन सक्ने असाधारण क्षमता उनीहरूसँग छ । चिसो हावा, तापक्रम झन्डै शून्य डिग्री सेल्सियसमा झर्दा पनि यिनीहरूमा  खासै असर पर्दैन । 

जब वैज्ञानिकहरूले उनीहरूलाई हिउँ परेको मौसममा पनि डाइभिङ गरिन्छ कि गरिन्न भनेर सोधेका थिए, उनीहरूको जवाफ थियो, ‘हावाको अलार्म बज्दासम्म हामी समुन्द्रमा डुबी रहन सक्छौँ ।’

खासमा जेजु टापु दक्षिण कोरियाको मुख्य भूमिबाट करिब ८० किलोमिटर टाढा रहेको छ। त्यहाँका ‘हेनियो’ नारीहरू स्थानीय संस्कृतिका प्रतीक हुन्। 

वैज्ञानिक भन्छन् कि जेजु बोलीमा छोटो वाक्य र द्रुत सञ्चार शैली सम्भवतः चाँडो विकसित भएको हुन सक्छ किनभने महिला गोताखोरहरू सतहमा आएपछि छिट्टै एक अर्कासँग चाँडै कुराकानी गर्न सक्छन्।

कतिपय ‘हेनियो’ महिला गर्भवती हुँदा पनि डुब्ने क्षमता राख्छन् जबकि यो अवस्था ‘प्रिक्लाम्पसिया’ जस्ता रक्तचाप सम्बन्धी जटिलताहरूको लागि धेरै संवेदनशील मानिन्छ। तैपनि, यी महिलाहरू गहिराइमा झर्छन्, घण्टौँसम्म सास रोक्न सक्छन् र बिना थकान फर्किन्छन्।

वैज्ञानिकहरू विश्वास गर्छन् कि ‘हेनियो’ महिलाहरूको शक्ति उनीहरूको डिएनएमा मात्र नभई उनीहरूको जीवनभरको कडा परिश्रम र अभ्यासमा पनि रहेको छ।

जब एक औसत व्यक्ति डुबुल्की मार्छ, उसको मुटुको धड्कन प्रति मिनेट औसत २० बिटले घट्छ। तर एक प्रशिक्षित हेनियो गोताखोरको मुटुको धड्कन दुई गुणा ढिलो हुन सक्छ, यसको मतलब उसले आफ्नो शरीरको अक्सिजन धेरै कुशलतापूर्वक प्रयोग गरिरहेको छ।

यही कारणले गर्दा यी वृद्ध महिलामा स्ट्रोक र उच्च रक्तचाप जस्ता रोगको दर निकै कम देखिएको छ । यसले यो पनि सङ्केत गर्दछ कि उनीहरूको डिएनएले भविष्यमा उच्च रक्तचाप वा स्ट्रोकसँग सम्बन्धित रोगहरूको उपचारमा नयाँ दिशाहरू प्रदान गर्न सक्षम रहेका छन् ।

युटा युनिभर्सिटीकी आनुवंशिककी अनुसन्धानकर्ता मेलिसा इलार्डो भन्छिन्, ‘यदि हामीले यी महिलाहरूको यो अद्वितीय क्षमताले कसरी काम गर्छ भनेर बुझ्न सक्यौँ भने हामी उच्च रक्तचाप वा स्ट्रोक जस्ता रोगहरूको उपचारमा विश्वभरका मानिसहरूलाई मद्दत गर्न सक्छौँ।’