ट्राफिक प्रहरीको ‘अवैध असुली’ आरोपमा छानबिन समिति

इलाम : ट्राफिक प्रहरीले यातायात व्यवसायीबाट हप्ता र मासिक रकम असुलेको समाचार सार्वजनिक भएपछि नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय, इटहरीले छानबिन समिति गठन गरेको छ। 

जिल्ला प्रहरी कार्यालय, इलामका प्रहरी उपरीक्षक (एसपी) एकनारायण कोइरालाले बुधबार जिल्ला प्रशासन कार्यालयमा आयोजित पत्रकार भेटघाटमा समितिको जानकारी दिंदै भने, “ट्राफिक प्रहरी परिचालन हाम्रो मातहत भए पनि प्रशासनिक काम क्षेत्रीय ट्राफिक कार्यालयबाट हुन्छ । मेरो अनुरोधमा छानबिन समिति बनेको हो।” उनका अनुसार समिति घटनास्थल पुगेर तथ्यगत विवरण संकलन गरिरहेको छ। 

राजमार्ग सुरक्षा तथा ट्राफिक व्यवस्थापन कार्यालय, इटहरीका एसपी विनोद घिमिरेका अनुसार प्रहरी निरीक्षक केशव अधिकारीको संयोजकत्वमा गठन भएको समितिले प्रतिवेदन तयारी चरणमा छ। समितिले अवैध असुलीका दाबी, राहदानी ट्रेसिङ र भाडादर कार्यान्वयन (fare enforcement) मा ट्राफिकको सम्भावित संलग्नता जाँच्ने छ। 

यसअघि इलामका विभिन्न स्थानमा ट्राफिक प्रहरीले सवारीसाधनबाट अवैध रकम असुलेको भनी सञ्चारमाध्यममा रिपोर्ट प्रकाशित–प्रसारित भएको थियो। विषयले संघीय संसद्‌सम्म पुग्दै नेपाल मजदुर किसान पार्टीका सांसद प्रेम सुवालले “ट्राफिक प्रहरीलाई तलब नदिएको हो र?” भन्दै सरकारको ध्यानाकर्षण गराएका थे। 

पत्रकारहरूले प्रमुख जिल्ला अधिकारी (प्रजिअ) सुनिता नेपालसामु पनि ट्राफिक प्रहरीको भूमिका शंकास्पद भएको र नियतकै कारण नयाँ भाडादर लागू नभएको गुनासो व्यक्त गरेका छन्। प्रजिअ नेपालले “छानबिनबाट सत्यतथ्य बाहिर आउने विश्वास” व्यक्त गरेकी छन्।