जडिबुटीमा बससँग स्कुटर ठोक्किँदा दुई युवाको मृत्यु

काठमाडौँ : जडीबुटीमा आज बिहान स्कुटर दुर्घटना हुँदा दुई युवाको मृत्यु भएको छ ।

बिहान करिब पौने तीन बजेतिर जडीबुटीको आकासे पुल नजिकै रोकिराखेको बागमती प्रदेश ०१–००६ ख ४२४३ नम्बरको बसमा कोटेश्वरबाट जडीबुटीतर्फ जाँदै गरेको लु ४३ प ४९३८ नम्बरको स्कुटर ठोक्किएर दुर्घटना भएको थियो ।

दुर्घटनामा गम्भीर घाइते भएका स्कुटर चालक पश्चिम नवलपरासीको सुनवल नगरपालिका १ घर भई हाल भक्तपुरको लोकन्थली बस्ने २२ वर्षीय शिरिस पौडेल र काभ्रेको पाँचखाल–२ होक्से घर भएका २३ वर्षका नितेश नेपालको उपचारको क्रममा राष्ट्रिय ट्रमा सेन्टर काठमाडौँमा मृत्यु भएको प्रहरीले जनाएको छ । हाल बस चालक प्रहरी नियन्त्रणमा छन् ।