मन्त्रिपरिषद् बैठक सुरु, कांग्रेसका मन्त्री अनुपस्थित

काठमाडौं :जेनजी आन्दोलनबारे छलफल गर्न मन्त्रिपरिषद् बैठक सुरु भएको छ।

प्रधानमन्त्रीको सरकारी निवास बालुवाटारमा आज साँझ ६ बजे बोलाइएको बैठक करिब एक घण्टा ढिलाइपछि केहीबेर अघि सुरु भएको प्रधानमन्त्रीको सचिवालयले जानकारी दिएको छ।

तर, बैठकमा कांग्रेसबाट सरकारमा रहेका उपप्रधानमन्त्री तथा सहरी विकासमन्त्री प्रकाशमान सिंह, गृहमन्त्री रमेश लेखक र संस्कृति, पर्यटन तथा नागरिक उड्डयनमन्त्री बद्री पाण्डे सहभागी भएका छैनन्।

ती मन्त्रीहरू अहिले नेपाली कांग्रेसका सभापति शेरबहादुर देउवाको बुढानीलकण्ठस्थित निवासमा बसेको पार्टी पदाधिकारी बैठकमा सहभागी भइरहेका छन्।