कश्यप अधिकारी बंश प्रतिष्ठान सुनसरीको अध्यक्षमा लिलाराज अधिकारी

कश्यप अधिकारी बंश प्रतिष्ठान सुनसरी जिल्ला समितिको पाँचौ वार्षिक साधारणसभा तथा तेस्रो अधिवेशन सम्पन्न  भएको छ । बराहक्षेत्रको चतराधाममा आयोजित साधारणसभामा केन्द्रिय अध्यक्ष नरेन्द्र अधिकारीको प्रमुख आतिथ्यता रहेको थियो । सभामा केन्द्रिय महासचिव चिरञ्जीवी अधिकारी, केन्द्रिय उपाध्यक्ष शान्ति बहादुर अधिकारी, उपाध्यक्ष भिम अधिकारी, कुल पुजा प्रतिस्थानका केन्द्रिय अध्यक्ष दिल बहादुर अधिकारी, सुनसरी जिल्लाका मुख्य न्यायधिस माननीय अर्जुन अधिकारी, संस्थापक अध्यक्ष खेमराज अधिकारी, झापा जिल्ला अध्यक्ष मोहन अधिकारी लगायतले बोलेका थिए । उक्त कार्यक्रममा संस्थापक अध्यक्ष खेमराज अधिकारी, माननीय मुख्य न्यायाधीश अर्जुन अधिकारी, डि एल ए का केन्द्रिय अध्यक्ष योगेन्द्र अधिकारी, सरकारी वकिल कार्यलय सुनसरी प्रमुख एकराज अधिकारी, वरिष्ठ वकिल मोहन अधिकारी, जेष्ठ नागरिक कुलमाया अधिकारी, प्रेम बहादुर अधिकारी लगायतलाई टोपी माला तथा खादा लगाएर सम्मान गरिएको थियो । सुनसरी जिल्ला अध्यक्ष बिप्लब अधिकारीले २ बर्षमा गरेका गतिविधि सहितको प्रतिवेदन पेस गरेका थिए।कार्यक्रममा  अधिकारीका भान्जा  गायक श्रीकृष्ण लुइँटेललेले आफ्ना गितहरु प्रस्तुत गरि बेजोड मनोरञ्जन दिलाएका थिए । साधारणसभाले २ बर्षका लागि नया कार्यसमिति समेत चयन गरेको छ । समितिको अध्यक्षमा लिलाराज अधिकारी, वरिष्ठ उपाध्यक्ष बिरेन्द्र अधिकारी, उपाध्यक्षद्वय रबिन्द्र अधिकारी, दुर्गा अधिकारी, सचिव रमेस अधिकारी, कोषाध्यक्ष हेम नारायण अधिकारी चयन भएका छन् । समितिका सदस्यहरुमा फडिन्द्र अधिकारी, शुस्मा अधिकारी, सरला अधिकारी, राजेस अधिकारी, राजकुमार अधिकारी, गुरु अधिकारी र मोहन अधिकारी रहेका निर्वाचन समितिका संयोजक शान्तीबहादुर अधिकारीले जानकारी दिए ।