आन्तरिक तथा बाह्य पर्यटकको केन्द्र बन्दै धुलिखेल इको रिसोर्ट

धुलिखेलमा रहेको होटल धुलिखेल इको-रिसोर्ट आन्तरिक तथा बाहिरी पर्यटकहरुको केन्द्र बन्दै गएको छ । सो स्थानमा छुट्टै पहिचान बनाएको रिसोर्टले नयाँ वर्षको सुरुवातदेखि नै नयाँ र फरक परिकारहरु पस्कन थालेको छ । सोही कारण पनि धुलिखेल इको-रिसोर्टमा पाहुनाहरुको घुइँचो लाग्ने गरेको छ। वातावरणमैत्री रिसोर्टको रुपमा स्थापित यो रिसोर्टको आकर्षणले पर्यटकलाई मोहित बनाएको छ । धेरै जसो होटल तथा रिसोर्टहरुमा महङ्गा फर्निचर तथा विभिन्न आकर्षक थाल कचौराहरुको प्रयोग भएको हुन्छ तर उक्त रिसोर्टमा भने  खाना नै नाङ्लोमा दिने गरिएको छ । उक्त रिसोर्टमा बन्ने सबै परिकारलाई पस्कने सबै सामानहरु स्थानीय सामाग्रीहरुले बनाइएको  इको रिसोर्टका मेनेजर सदिप लुइँटेलको भनाई छ । नेपालबाट लोप हुँदै गएका स्थानीय नाङ्लो, डालो, मान्द्रो, गुन्द्री लगायतका सामानहरुको प्रयोग गरिने गरिएकाले पनि पर्यटकको मन लोभ्याएको मेनेजर लुइँटेलको भनाई छ । ठूलो कन्फरेन्स हल र सुन्दर बगैँचाले रिसोर्टलाई थप सुन्दरता  प्रदान गरेको छ । खानाको परिकार सुलभ र सरल मुल्यमा पाउने र सुविधासम्पन्न बेड रुमहरु पनि वातावरणमैत्री रुपमा नै निर्माण गरिएकोले रिसोर्टमा आउनेहरुको संख्या बढ्दै गएको  लुइँटेलको बनाई छ । आकर्षक बास मात्र नभई खुला बगैँचा भएका कारण विभिन्न स्थानहरुबाट  पिकनिक खान आउने पर्यटकहरुको संख्या पनि थपिँदै गएको मनेजेर लुइँटेलको भनाइ छ ।