आँखाका बिरामीहरू दैनिक बढ्दै -नवदृष्टिको आँखा शिविर सम्पन्न

धरान /  धरान उपमहानगरपालिकामा नवदृष्टि आँखा अस्पताल इटहरीमाले बृहत् आँखा शिविरको आयोजना गरेको छ । धरान उपमहानगरपालिका वडा नम्बर ८ सँगको सहकार्यमा आँखा शिविर सम्पन्न गरेको अस्पतालले जनाएको छ । आँखा शिविरमा १ सय ९२ जना सर्वसाधारणको आँखा परीक्षण गरिएको अस्पतालले जनाएको छ । शिविरमा आँखामा समस्या देखिएका बिरामीहरूलाई निःशुल्क औषधि समेत वितरण गरिएको थियो । साथै सो क्रममा मोतीबिन्दु देखा परेका २५ जना बिरामीहरूलाई शल्यक्रियाका लागि नवदृष्टि आँखा अस्पताल इटहरी रेफर गरिएको थियो । पछिल्लो समय मोबाइल तथा डिजिटल माध्यमहरूको जथाभाबी प्रयोग बढेपछि आँखाका बिरामीहरू निकै बढ्दै गएका छन् । आँखा सम्बन्धी सचेतना जगाउँदै निःशुल्क परीक्षण समेत गर्दे आएको नवदृष्टिले पूर्वी पहाडी जिल्लाहरू,सङ्खुवासभा,भोजपुर,धनकुटा सम्मका बिरामीहरूको आँखा परीक्षण गर्दे आएको छ । सो क्रममा अधिकांश सर्वसाधारणको आँखाका विविध समस्या देखा पर्ने गरेको जनाइएको छ ।