के आधारमा स्तरीकरण गर्नुहुन्छ ? हामीले स्तरीकण गर्नका लागि १७ वटा सूचकलाई आधार मानेका छौँ । पल्स अनुगमन प्रणालीका १४ सूचक र सदस्य केन्द्रियताका ३ वटा सूचकका आधारमा जोखिमका आधारमा स्तरीकरण गर्ने तयारी गर्दैछौँ । कस्ता सहकारीहरूलाई स्तरीकरण गर्दै हुनुहुन्छ ? हामीले पहिलो चरणमा २५ करोड माथिका संस्थाहरूलाई प्राथमिकतामा राखेर स्तरीकरण गर्नेछौँ । यो काम गरेपछि सहकारीको जोखिमको ‘लेवल’ थाहा हुन्छ । प्रदेशमा १० करोड माथिका दुई सय भन्दा बढी सहकारी छन् । त्यस्तै, २५ करोडदेखि ५० करोडसम्मका ७० वटा, ५० करोडमाथि कारोबार गर्ने १३ वटा, एक अर्बमाथि कारोबार गर्ने ११ वटा सहकारी सञ्चालनमा रहेका छन् । ती सहकारीहरू सबैको जोखिमका आधारमा स्तरीकरण गर्नेछौँ । अन्त्यमा, सहकारी सञ्चालकहरूलाई केही सुझाव छ ? सम्पूर्ण सहकारीका सञ्चालकहरू इमानको सूत्रमा बसेर कारोबार गर्नुहोस् । सहकारीका सदस्यहरूले पनि सहकारी र सञ्चालकबारेसमेत नबुझेर लगानी गर्दासमेत क्षति हुँदै आएको पाइन्छ । हामी समाजमा बस्दा पल्लो घरको मान्छेलाई अप्ठ्यारो पर्दा दुई हजार रुपैयाँ सापटी दिन सक्दैनौँ । तर, दुई हजार बढी ब्याज आउँछ भन्दा करोडौँ पैसा सहकारीमा नबुझी जम्मा गर्छौँ । यसलाई हामीले सुधार्न आवश्यक देखिन्छ । हामी सरकारी निकायमा बसेकाले सहकारीहरूलाई सहजीकरण मात्र गर्न सक्छौँ । तर, तपाईँहरूले ब्याजको प्रलोभनमा जथाभाबी बचत गर्ने प्रवृत्ति अन्त्य गर्नुपर्छ । त्यसो हुँदा धेरै सहकारीहरू नियमनमा आउँछन् ।प्रदेशका सम्पूर्ण सहकारीलाई श्वेतपत्र जारी गर्न निर्देशन बमोजिम अहिले तीन सय बढी सहकारीले श्वेतपत्र जारी गरेर हामीलाई बुझाइसक्नुभएको छ । श्वेतपत्रले संस्थाको बित्तीय अवस्था, नाफा नोक्सानको अवस्था, जोखिमका आधारमा कर्जाको वर्गीकरण, संस्थागत सुशासनको अवस्थालगायतका कुराहरू समावेश गरिएको हुन्छ । सहकारीहरू जोखिममा पर्ने क्रम नरोकिएपछि हामीले सहकारीहरूलाई श्वेतपत्र जारी गर्न निर्देशन गरेका छौँ ।
पवन अधिकारी
_DEhQO4lE8f.png)
प्रतिक्रिया