सुनसरी ४ : रोचक प्रतिस्पर्धाका बिच कांग्रेसका ज्ञानेन्द्रबहादुर कार्की निर्वाचित

सुनसरी क्षेत्र नम्बर ४ मा अन्तत नेपाली कांग्रेसका उमेद्धार ज्ञानेन्द्रबहादुर कार्की निर्वाचित भएका छन् । निकै रोचक प्रतिस्पर्धाका बिच सञ्चाारमन्त्री समेत रहेका कार्की निर्वाचित भएका हुन् । सुरुवातबाट नै कार्की र नेकपा एमालेका उमेद्धार जगदिशप्रसाद कुसियैतबिच टक्कर भएको थियो । आलोपालो अग्रता लिदै अघि बढेको मतगणनामा अन्तत कार्कीले बाजी मारेका हुन् । ३० हजार ४ सय ८३ मतले कांग्रेसका उमेद्धार कार्की निर्वाचित हुदा नेकपा एमालेका उमेद्धार कुसियैतले ३० हजार ३ सय ७१ मत प्राप्त गरेका छन् । कार्की ११२ मतान्तरले निर्वाचित भएका हुन् । जित निस्चित भएपछि निर्वाचन परिणाम नआउदै मतगणनास्थलमा कार्की समर्थक कायकर्ताहरुको भिड लागेको थियो । मतपरिणाको अन्तिम नतिजा पछि बिजय जुलुसको तयारी भइरहेको प्रेस युनियन सुनसरीका अध्यक्ष पवन अधिकारीले जानकारी दिए । मतगणनाकै बिचमा विवाद उत्पन्न हुदा मतगणना रोकिन पुगेको थियो । मतगणनाका क्रममा आयोगले नै ६ सय ६ मत एमालेतर्फ जोडेको कांग्रेसका उम्मेदवार ज्ञानेन्द्रबहादुुर कार्कीले आरोप लगाएका थिए । विवाद उत्पन्न भएपछि पटक पटक सर्वदलीय बैठक बसेको थियो । अन्तत राजनीतिक दलबीच सहमति कायम हुन नसके पछि निर्वाचन आयोगले मतगणना सुचनरु गर्न निर्देशन दिएपछि मतगणना सुचारु गरिएको थियो । २०७४ को निर्वाचनमा पनि सोही क्षेत्रबाट कार्की निर्वाचित भएका थिए । २०७४ को निर्वाचनमा ३२ हजार ३ सय ४७ मत सहित कार्की निर्वाचित हुदा नेकपा एमालेका उमेदवार रमेश श्रेष्ठले २५ हजार ७ सय ५० मत प्राप्त गरेका थिए । भोजपुरबाट पटक पटक हार बेहोरेका कार्की सुनसरी ३ बाट भने निर्वाचित भएका थिए । सोही क्षेत्रबाट कार्कीले दोस्रो पटक जित हासिल गरेका हुन् ।