काठमाडौँ महानगरका प्रमुख प्रशासकीय अधिकृतमाथि छानबिन गरिने

काठमाडौं : काठमाडौं महानगरपालिकाका प्रमुख प्रशासकीय अधिकृत सरोज गुरागाईंलाई छानबिन गरिने भएको छ । प्रमुख प्रशासकीय अधिकृत गुरागाईंले आधिकारिक प्रक्रिया पूरा नगरी पुरानो बसपार्कस्थित काठमाडौं टावरको नक्सा पास गरेको भन्दै उनीमाथि छानबिन गरिने भएको हो । काठमाडौँ महानगरले आइतबार छानबिन समिति बनाएर उनीमाथि छानबिन गर्ने जनाएको हो । छानबिन गर्न मेयर बालेन शाहको नेतृत्वमा टोली बनाइने भएको छ । अख्तियार दूरुपयोग अनुसन्धान आयोगमा उजुरी दिने तयारी पनि भएको मेयर शाहका स्वकीय सचिव भुपदेव शाहले जानकारी दिए ।