पार्टी एक ढिक्का भए मात्र सबैले अवसर पाउने डा ः डा रिजाल

इलाम, १८ असोज ः नेपाली काङ्रेसका केन्द्रिय सदस्य तथा पुर्ब मन्त्री डा. मिनेन्द्र रिजालले नेपाली काङ्रेस पार्टी केन्द्र देखि टोलसम्म एक भएर अघि बढ्न आवस्यक रहेको बताएका छन् । नेपाली काङ्रेस इलामले आयोजना गरेको अन्तरक्रिया कार्यक्रमलाई सम्बोधन गर्दै उनले सबै नेता तथा कार्यकर्ता मिले मात्र काङ्रेस सबल बन्नेमा जोड दिए । एउटै पार्टी भित्र पनि अलग बिचार धारा हुनु सामान्य भएको भन्दै उनले आम निर्वाचनमा एक ढिक्का भएर अघि बढ्नु पर्नेमा जोड दिए । नेपाली कांग्रेसका नेता बिचारको बिविधता पचाउन सक्ने खालको हुन आवश्यक रहेको भन्दै उनले फरक बिचारले पनि नेता जन्माउने उनको तर्क छ । नेपाली कांग्रेसलाई मत दिएर बिजयी भएका जनप्रतिनिधिहरुले जनताको काम छिटो, छरितो ढैंगले गर्न सके जनताले पुन सोही पार्टी रोज्ने उनको भनाई छ । पार्टीलाई समृद्ध बनाउन जितेर गएका जनप्रतिनिधिहरुको काम पनि सहि हुन आवश्यक रहेको उनको भनाई छ । वडादेखी नै जितेर गएका जनप्रतिनिधिले राम्रो काम गर्नुपर्नेमा उनको जोड छ । स्थानिय नेता तथा कार्यकर्ताले पनि केन्द्रदेखी नै बिवेध नगरी सक्षम ब्यक्तिलाई चुनावमा अघि सार्नुपर्नेमा जोड दिए । पार्टीले चुनावमा टिकट वितरण गर्दा आफ्नो नजिकको मान्छेलाई भन्दा पनि सक्षम र जित्नसक्ने ब्यक्तिलाई उठाउन जिल्लाका कार्यकर्ताको माग छ । नेपाली कांग्रेस देशको ठुलो पार्टी भएको र पनि कांग्रेस सरकारमा भएन भएको महसुस हुने गरि काम गर्न सुझाव जिल्लाका नेता तथा कार्यकर्ताहरुको छ । कार्यक्रममा नेपाली कांग्रेस इलामका पूर्व जिल्ला सभापती हिमालय कर्माचार्यले सहि र गलत के हो भनेर छुट्याउन आम जनता सक्षम भइसकेकाले माथिल्लो तहमा भएका नेता तथा सरकारमा भएकाहरुले राम्रो काम गर्न आवश्यक रहेको बताए । जिल्ला सभापती डम्बर खड्काले सबै पक्षसँग मिलेर अघि बढ्न आफु तयार रहेको भन्दै पार्टीलाई समृद्ध बनाउन सबै कार्यकर्ताहरु समेत जागरुक बन्न आवश्यक रहेको बताए । आएका सुझावहरुलाई केन्द्रले पनि गम्भिरताका साथ लिनुपर्नेमा पार्टी सचिव निरोज खड्गीको सुझाव छ । कार्यक्रम जिल्ला सभापती खड्काको अध्यक्षता तथा डा रिजालको प्रमुख आतिथ्यतामा सम्पन्न भएको थियो । कार्यक्रममा जिल्ला उपसभापती खगेन्द्र देवान लगायत महादिवेशन प्रतिनिधि, जिल्ला स्थित नेता तथा कार्यकर्ताहरुको उपस्थिती रहेको थियो ।