नेपाल विज्ञापन संघको अध्यक्षतामा सुदीप थापा,महासचिवमा पुन -घिमिरे

काठमाडौँ । नेपाल विज्ञापन सङ्घ आनको अध्यक्षमा एनएस क्रियसनका सुदीप थापा निर्विरोध निर्वाचित भएका छन् । २४औँ साधारणसभा तथा ११ औ अधिवेशनले थापाको नेतृत्वमा आनको नयाँ कार्यसमिति निर्वाचित गरेको हो । प्रथम उपाध्यक्षमा आउटरिच नेपालका उजय शाक्य र द्वितीय उपाध्यक्षमा प्रिज्मार्क मार्केटिङका पङ्कजलाल प्रधान निर्विरोध भए । महासचिवमा फ्युचर हब मिडिया मल्टिपर्पोजका कृष्णप्रसाद घिमिरे, सचिवमा पब्लिक एडभरटाइजिङका सन्तोष खड्का र सह कोषाध्यक्षमा मिडिया टाइम्सका अरुणकाजी स्थापित निर्विरोध भए ।  कोषाध्यक्षमा जोइन मिडियाका साजन श्रेष्ठ चुनावी प्रक्रियाबाट निर्वाचित भएका छन् । कार्यसमिति सदस्यमा बिजनेस युनिटका रोशन रेग्मी ‘आरसी’ ले सर्वाधिक मत प्राप्त गर्दै विजयी भएका छन् । उनले ६१ मत प्राप्त गरे । त्यस्तै कार्यसमितिमा एड फ्याक्टरका सन्तोष सिलवाल गिरी, रेड पान्डा एड लिङ्कका दीपेन्द्र पौडेल, मेक वेजका विधान राज भण्डारी, रेडियो लिङ्कका रोशन पौडेल, मार्सका मनिस अधिकारी, भोग एड एन्ड इभेन्ट म्यानेजमेन्टका प्रभात रिमाल निर्वाचित भएका छन् । सङ्घका पदाधिकारी तथा सदस्यहरूले आइतबारै शपथ ग्रहण गरेका छन् । नवनिर्वाचित अध्यक्ष थापाले विज्ञापन व्यावसायि हक हितमा रहेर काम गर्ने प्रतिबद्धता जनाएका छन् ।