‘तिम्रो मेरो’मा मिस पवी र तुलाको अभिनय

काठमाडौँ । गायक राज सिग्देलको स्वर रहेको ‘तिम्रो मेरो’ बोलको गीतको भिडियो सार्वजनिक भएको छ ।

शङ्कर सङ्गमको शब्द तथा राजेश कैदीको सङ्गीत रहेको सार्वजनिक गीतमा चर्चित टिकटकर मिस पवी र तुला पर्वतको अभिनय देख्न सकिन्छ । गायन र  निर्देशनको क्षेत्रमा राम्रो सफलता हात पारेका गायक तथा सङ्गीतकार तुलाले प्रेम वियोगको कथा बोल्ने तिम्रो मेरोको भिडियोमा सशक्त अभिनय गरेका छन् ।

प्रेम वियोगको मार्मिक गीतमा बिछोडिएको एक जोडीको मर्मस्पर्शी कथामा सुन्दरी मोडल मिस पवी पनि गज्जबसँग खुलेकी छिन् । तुला र मिस पवीको यो बिछोडको कथालाई निर्देशक युवराज वाईबाले कलात्मक ढङ्गले दर्शकमाझ पस्किएका छन् ।

भिडियोले माया गर्ने दुई मनहरू पनि यसरी समयसँगै छुट्नुपर्ने बाध्यताको कथालाई सशक्त रूपमा देखाएको छ ।

सागर बस्नेतको छायाङ्कन, विकाश दाहालको सम्पादन रहेको मर्मस्पर्शी गीतको भिडियो गायक तथा  सङ्गीतका तुलाकै अफिसियल च्यानल वाईडस्क्रिन मिडियाबाट बजारमा आएको हो ।