मेरी प्यारी आमा

नौ महिना गर्भमा भारी बोकेर,

यो दुनियाँ हेर्न लगायौँ ।

तिम्रो स्वर्ग जस्तो काखमा,

राखेर मलाई सुत्न लगायौ ।

मेरो निम्ति भनेर सानोमा,

दूधको धारा बगायौँ ।

यो सुन्दर धर्तीमा मलाई,

ताते, ताते हिँड्न सिकायौ ।

हातमा खाना बोकेर को खाई को खाई गर्दै

आमा मलाई खुवायौँ

मैले नराम्रो बाटो रोजे,

सम्झाउँदै सही बाटो हिँड्न लगायौँ ।

आधा रातमा म उठ्छु कि भनेर

झसङ्ग झसङ्ग बिउँझियौँ । 

सुत्न नसक्दा तिमीले मलाइ काखमा, 

राखेर हातले मेरो शिर ढाकेर मलाइ सुत्न लगायौँ 

खाना अगाडी हुन्छ, अनि आउँछ तपाईँको हातको याद,

अनि सम्झिन्छु, म तपाईँको त्यो न्यानो साथ

निन्द्राले छोड्छ रातमा अनि खोज्छु तपाईँको काख,

तर केवल भेट्छु त साथीको हात ।।

ढिलो घर आउँदा कहाँ गयौ छोरा भन्ने मेरी आमा 

चोट लाग्दा के भयो भन्ने भेरी प्यारी आमा 

आज सात समुन्द्र पारी मेरै खुसीका निम्ति पसिना बगाउँदै छिन् ।

चाडपर्व आउँदा छोराछोरीको यादमा रातभरि छटपटिँदै रात कटाउँदै छिन् ।

मैलै गल्ती गरे त

समाजले नराम्रो सोचे,

तर आमाले मात्र मलाइ सम्झाएर रोजे ।।

यदि म बाट गल्ती भए 

दैव मलाइ सजाए देऊ ।

तर मेरी आमाको लागि स्वर्ग 

भन्दा प्यारो ठाउँ खोजिदेऊ ।।

मन्दिरमा पूजा गर्छु 

सुरुमा लिएर तपाईँकै नाम

हे भगवान बिन्ती गर्छु 

कि म सबै जन्म मेरी आमाकै कोखबाट धर्तीमा टेक्न पाम ।।

सबैभन्दा अमूल्य हुन मेरी आमा 

उहाँ जस्तो पाउँदा खुसी छु म मेरो जिन्दगीमा ।।

रिवस राई

पाथीभरा इङ्लिस बोर्डिङ स्कुल

कक्षा -९,इटहरी सुनसरी