एम्बार्क अनम्याथले भैरहवा र बुटवलका विद्यालयहरूमा गणित शिक्षामा नयाँ परिवर्तन ल्याउँदै

काठमाडौं । एम्बार्क अनम्याथले भैरहवा र बुटवलका २५ भन्दा बढी विद्यालयहरूमा व्यापक पहुँच नयाँ गणित शिक्षा कार्यक्रमहरू सञ्चालन गरेको छ ।

यस कार्यक्रममा प्रधानाध्यापकहरू, शैक्षिक संयोजकहरू र शिक्षकहरूसँग भेटघाट गरी नयाँ र व्यावहारिक सिकाइमार्फत गणितलाई कसरी रोचक र सजिलो बनाउन सकिन्छ भन्ने बारेमा छलफल गरिएकाे थियाे ।

यस कार्यक्रमको बारेमा बोल्दै एम्बार्क अनम्याथका मार्केटिङ तथा व्यापार विकास प्रबन्धक प्रज्वल पोखरेलले भने, “हामिलाई विश्वास छ कि गणित यस्तो विषय हुनुपर्छ जस्बाट विद्यार्थीहरू नडराऊन्।। यस्तो कार्यक्रम र भ्रमणहरूले हामीलाई विद्यालयहरूको विशेष आवश्यकताहरू बुझ्न र तिनीहरूको परिस्थितिअनुसार काम गर्ने समाधानहरू सँगै बनाउन मद्दत गर्छ।”

यस कार्यक्रमले रुपन्देहीका विद्यालयहरूमा अनम्याथका अनुभवमूलक सिकाइ कार्यक्रमहरू—अनम्याथ जिल्ला योजना, गणितको कथा भन्ने, उद्यमशील गणित, र म्याथ म्युजियम जस्ता अवधारणाहरूको जानकारी गराइएकाे थियाे । शिक्षकहरूसँग प्रत्यक्ष कुराकानी गरेर टिमले पुरानो तरिकाले गणित पढाउँदा हुने समस्याहरूलाई समाधान गर्न र विद्यार्थीहरुको जिज्ञासा बढाउन गतिविधिहरुमा आधारित पढाउने तरिका अपनाउनु पर्ने छलफल गरियो।

लुम्बिनी वर्ल्ड स्कूलका योग तथा प्राणायाम प्रशिक्षक शिवसुन्दर पोखरेलले भने, “गणितलाई व्यावहारिक, रोचक र वास्तविक जीवनसँग जोड्ने यो तरिका हाम्रा विद्यार्थीहरूका लागि एकदमै उपयुक्त छ।”

यो कार्यक्रमले फरक फरक स्कुलहरूमा धेरै चासो जगाएको थियो। धेरै स्कुलहरूले प्रयोगात्मक कक्षा र आफ्ना आवश्यकता अनुसार योजना बनाउने प्रस्तावहरूको माग गरेका छन् । साथै स्कुल समूहका नेताहरूसँगको सम्पर्कले पनि यसलाई व्यापक रूपमा फैलाउने मौका दिएको छ। सहभागी भएका शिक्षकहरूले अनम्याथका अन्तरक्रियात्मक पद्धतिहरू र शिक्षकहरू गुणस्तरीय शिक्षाप्रतिको दृष्टिकोणबीचको मेलको निरन्तर प्रशंसा गरेक थिए ।

अनम्याथ टिमले प्रयोगात्मक कक्षा लिने, इच्छुक स्कुलहरूसँग निरन्तर सम्पर्क गरिरहने, र प्रत्येक स्कुलको आवश्यकताअनुसार योजना बनाउने लक्ष्य राखेको छ। यी गतिविधिहरूको आधारमा यस पहलले रुपन्देहीका कक्षाकोठाहरूमा लामो अवधिको लागि नयाँ गणित सिकाइ ल्याउने उद्देश्य राखेको छ।