गोवाको नाइट क्लब आगलागीमा ४ नेपालीको मृत्यु, झापाका दुई युवाको पहिचान खुल्यो

काठमाडौँ : भारतको गोवामा शनिवार मध्यरात भएको भीषण आगलागीले २५ जनाको ज्यान लिएको घटनामा ४ जना नेपाली परेको पुष्टि भएको छ। मृतकमध्ये दुई झापाका युवा रहेको खुलासा भएको छ ।

पहिचान भएका नेपाली
हाल्दिबारी डटकमका अनुसार मृत्यु हुनेमध्ये भद्रपुर नगरपालिका–३, गोलेचोकका सविन खाती र कचनकवल गाउँपालिका–बगान नयाँ बजारका १९ वर्षीय सुदीप गुरुङ रहेका छन्।

सुदीप तिहारपछि होटेल म्यानेजमेन्ट अध्ययनका लागि गोवा पुगेका थिए भने सविन क्लबमै सेफका रूपमा कार्यरत थिए।

अन्य दुई जना नेपालीको पहिचान खुल्न बाँकी रहेको भारतीय अधिकारीहरूले जनाएका छन्। सुदीपको मृत्यु भएको भद्रपुर नगरपालिका प्रमुख गणेश पोखरेलले पनि पुष्टि गरेका छन्।

घटनाको अवस्था
भारतीय सुरक्षा अधिकारीहरूका अनुसार फायर–शो चलिरहेका बेला नाइट क्लबभित्र अत्यधिक भीड थियो।

कार्यक्रम सुरु भएको केही मिनेटमै आगो तीव्र गतिमा फैलिएको र क्लबभरि घना धुवाँ भरिँदै गएपछि ठुलो मानवीय क्षति भएको बताइएको छ।

आगलागीको कारणबारे अनुसन्धान जारी छ। Nepali community in Goa र स्थानीय प्रशासनको सहकार्यमा उद्धार तथा पहिचान प्रक्रिया अघि बढाइएको जनाइएको छ।