पेशागत महासंघ नेपालले भ्रष्टाचार विरोधी अभियान चलाउने

काठमाडौं : पेसागत महासंघ नेपालले  सुशासन सम्बन्धी ‘एन्टी करप्सन मुम्भमेन्ट एण्ड गुड गर्भमेन्ट’ कार्यक्रम देशव्यापी रूपमा सञ्चालन गर्ने भएको छ । 

पेसागत महासंघ राष्ट्रिय समितिको अध्यक्ष पुण्य प्रसाद ढकालले एन्टि करेक्सन मुम्भमेन्ट एण्ड गुड गर्भमेन्ट सम्बन्धी कार्यक्रम हुने भन्दै ७ प्रदेश मध्य कोशीमा सञ्चालन भइसकेको बताए । 

उनले  शुक्रबार ललितपुर भक्तपुर र काठमाडौँमा ३ जिल्लामा कार्यक्रमको आयोजना गरेको पनि बताए । 

त्यस्तै उनले अहिले भ्रष्टाचार देशव्यापी रूपमा मौलाएको भन्दै त्यसको निवारण गर्नलाई विशेष अन्तरक्रिया कार्यक्रम गर्ने बताए।

उनले अभियानलाई तीव्रता दिएर ७७ वटै जिल्लामा र ७५३ वटै पालिकाहरूमा पुर्याउने बताए ।

सबै क्षेत्रबाट आएका सुझावलाई एकीकृत गरी राज्य सरकारलाई र सम्बन्धित पार्टीहरूलाई बुझाउने उनले जानकारी दिए ।