मेची करिडोरमा तीन पुल बगायो, मेची राजमार्ग अवरुद्ध

इलाम: अविरल वर्षाका कारण आएको बाढीले मेची कोरिडोरलाई अस्तव्यस्त बनाएको छ । कोरिडोर अन्तर्गतका महत्वपूर्ण तीन पुल बाढीले बगाएको छ भने मेची राजमार्ग दर्जनौँ स्थानमा गएको पहिरोका कारण पूर्ण रूपमा अवरुद्ध भएको छ । 

प्राप्त जानकारी अनुसार, केचना-कञ्चनजङ्घा सडक खण्डमा पर्ने माई खोलाको पुल, पुवा खोलाको पुल र जोगमाई पुल बाढीको प्रचण्ड वेगले पूर्ण रूपमा बगाएको छ । यी पुलहरू बगाएपछि यस क्षेत्रमा आवतजावत ठप्प भएको छ ।

यसैगरी, मेची राजमार्ग पनि पहिरोका कारण अवरुद्ध भएको छ । इलाम र पाँचथर जिल्ला अन्तर्गत राजमार्गका ३० भन्दा बढी स्थानमा साना–ठूला पहिरो खसेका छन् । यसले गर्दा मेची राजमार्ग हुँदै हुने सम्पूर्ण सवारी आवतजावत बन्द भएको छ ।