राष्ट्रिय ललितकला प्रदर्शनीका लागि कलाकृतिहरू बुझाउन आब्हान

काठमाडौं,  : आगामी जेठ महिना कामठमाडौंमा आयोजना गरिने राष्ट्रिय लतितकला प्रदर्शनी २०८३ का सहभागी हुन ललितकलाकर्मीहरुलाई कलाकृति वुझाउन आह्वान गरिएको छ ।  नेपाल लतितकला प्रज्ञा प्रतिष्ठानको आयोजनामा आगामी जेष्ठ १५ गते ललितकला प्रदर्शनी हुने जनाइएको हो । 

प्रदर्शनीसम्बन्धी कार्यविधि अनुसार प्रादेशिक ललितकला प्रदर्शनीमा समावेश भई छनोट भएका कलाकृतिहरू मात्र राष्ट्रिय ललितकला प्रदर्शनीमा समावेश हुने प्रावधान रहेको छ ।  प्रादेशिक प्रदर्शनीमा कलाकृति समावेश गर्नका लागि २०८२ पुस ३० गते भित्र कलाकृतिहरू बुझाउन देशभरिका ललितकलाकर्मीहरूलाई प्रतिष्ठानले आह्वान गरेको छ ।

प्रादेशिक प्रदर्शनीमा समावेश भइ छानिएका कलाकृति मात्र राष्ट्रिय ललितकला प्रदर्शनीमा प्रतियोगी कलाकृतिका रूपमा समावेश हुने प्रावधान रहेकाले आ–आफ्ना प्रदेशमा हुने प्रादेशिक प्रदर्शनीमा कलाकृति तोकिएको समयभित्रै बुझाउन समेत सम्बन्धित सबैमा प्रतिष्ठानले आग्रह गरेको छ । 

‘सामाजिक रूपान्तरण ः ललितकलाको अभियान’ भन्ने मूल भावमा रही नेपाल ललितकला प्रज्ञा–प्रतिष्ठानले ऐन २०६४ को दफा ५ को खण्ड (ट) समेतको प्रयोजनका लागि राष्ट्रिय ललितकला प्रदर्शनी कार्यविधि–२०८० र प्रादेशिक ललितकला प्रदर्शनी कार्यविधि २०८० बमोजिम यस प्रज्ञा–प्रतिष्ठानद्वारा सातै प्रदेशमा माघदेखि प्रादेशिक ललितकला प्रदर्शनी हुन गइरहेको छ ।