झापा काँग्रेसले गर्याे कार्कीलाई साधारण सदस्य समेत नरहने गरी कारवाही

झापा : पार्टीहित विपरित कार्य गरेको भन्दै नेपाली काँग्रेस झापाले बलराम कार्कीलाई साधारण सदस्य समेत नरहने गरी कारवाही गरेको छ । 

आमन्त्रित जिल्ला सदस्य विर्तामोड नगरपालिका वडा नम्बर १ निवासी कार्कीलाई साधारण सदस्य समेत नरहने गरी कारबाही गरेको नेपाली कांग्रेस झापाका कार्यबाहक सभापति शेरबहादुर भट्टराईले आज एक विज्ञप्ति जारी गर्दै जनाएका हुन्। 

कार्कीले ‘केही समय अघिदेखि पार्टीहित विपरित कार्य गर्दै आएकोमा पटक–पटक सच्चिन मौका प्रदान गर्दासमेत आचारणमा सुधार नगरी पार्टी हित विपरितका गतिविधिमा निरन्तर संलग्न हुँदै आएको पाइएकोले नेपाली कांग्रेसको साधारण सदस्य समेत नरहने गरी आजकै मितिबाट निष्काशनको कारबाही गरिएको छ’ भट्टराईले जारी गरेको विज्ञप्तिमा उल्लेख गरिएको छ ।

 पार्टीको तर्फबाट प्रतिनिधित्व गरेका सबै निकाय र संस्थाहरुबाट समेत कार्कीको प्रतिनिधित्व खारेज गरिएको विज्ञप्तिमा उल्लेख छ । त्यसैगरी कार्कीले अव उप्रान्त गरेका कुनै पनि गतिविधिको पार्टी जवाफदेही नहुने विज्ञप्तिमा स्पष्ट पारिएको छ ।