एकाकार (कविता)

लक्ष्मी रायमाझी खड्का

तिमीलाई

सम्झिन पाएकै छु

अझै मृदुमुस्कानमा

अल्मलिएकै छु

क्षितिजसँग माया साटेर

पश्चात्ताप भएकै

छैन मलाई!

किन थाहा छ ?

आँखाभरिको रमिता

मनभरिको खुसी

र मुटुभरिको माया

पहाड

र क्षितिज

म

र तिमीमा फरक छैन

न मिलनको खाँचो

न बिछोडको पीडा

बस्

यस जन्मको सार्थकता

तिमीमा समेटिएको म

ममा समाहित तिमी

यति भए पुगेन त?

गहकिलो सम्झनाको

भारी बोकेर

आनन्दमा डुब्नुको

अनि त्यही मीठो आभासमा

दिनचर्या कट्नुको मजा!

अलौकिक सुखानुभूतिमा

अल्मलिँदै अल्मलिँदै

बितेको समय

उही समयसँग

पत्तो नपाई

गाँसिएको प्रीति

र प्रीतिमा मिसिएको

बतासको स्पर्शमा

फुरुङ्ग पर्दै

पर्दै बतासिएको

मेरो मन

आहा !

तृष्णाको मोहनीमा

भाग्दै गरेको जीवन

कति मजा छ

तिम्रो

र मेरो एक धड्कन!!

–विराटनगर

प्रतिक्रिया

लेखकको बारेमा

प्रदेश खबर

लेखकको सबै आर्टिकल

एकाकार (कविता)

प्रतिक्रिया

प्रदेश खबर

धेरै पढिएको

नोबेलमा पाँचौँ तलाबाट हामफालेका इन्टर्न डाक्टरको मृत्यु

बंगलादेशमा हिन्दुमाथि भएको हत्याको विरोधमा प्रदर्शन, पूर्व–पश्चिम राजमार्ग अवरुद्ध

भोली देखि ‘संयुक्त जेन–जी’ आन्दोलनको घोषणा

नेपालले योग र ध्यानमा विश्वकै नेतृत्व लिनुपर्छ : एलपी भानु शर्मा

महाधिवेशन अघि नै गुटबन्दीको प्रभाव: काँग्रेसमा टिकट सिफारिसमा अराजकता

जेनजी आन्दोलनमा झापाबाट लुटिएको ग्यासगन गेउरीय खोलामा बेवारिसे अवस्थामा फेला

सम्बन्धित समाचार

विराटनगरमा अतिथि साहित्यकारको सम्मानमा भेटघाट तथा सिर्जना वाचन

पत्रकार थपलियाले पाउने भए स्थानीय प्रतिभा पुरस्कार

बैदेशिक रोजगारीमा युवाको पीडा र समाजको ऐना बनेका ‘गुरुजी साहित्य’

बुढेसकालमा राम भनी मन्दिर पसेर के पाइन्छ र ?

मेरी काली