हृदय उज्यालो भए घर उज्यालो

केशव आचार्य

हृदय उज्यालो भएमा घर उज्यालो हुन्छ।

फोहोर उठाए त्यसै सहर उज्यालो हुन्छ।

मेहनत खुब गरेर लिपपोत जतिनै गर,

मुस्कान नछोडी कहाँ अधर उज्यालो हुन्छ।

मनले चाहेको मान्छे दृश्यमा देखिए पछि,

मुहार सङ्गै खुसीले नजर उज्यालो हुन्छ।

श्रष्टाको सिपले कुँदी मूर्ति बनाइए पछि,

बगरमा भेटिएको पत्थर उज्यालो हुन्छ।

चाहिन्न फूलहरुको रङ्गिन दुनियाँ त्यहाँ,

सेतै काँस फूलोस् न बगर उज्यालो हुन्छ।

लेखकको बारेमा