इटहरीमा हिमालयन लाइफ इन्स्योरेन्सको बीमा जागरण अभियान कार्यक्रम सम्पन्न 

इटहरी ।  हिमालयन लाइफ इन्स्योरेन्सको बीमा जागरण अभियान कार्यक्रम इटहरीमा सम्पन्न भएको छ । मङ्गलवार इटहरीको होटल त्रियुगामा कार्यक्रम सम्पन्न भएको हो । बीमाप्रति सर्वसाधारणलाई जागरूक बनाउन गत फागुन ४ गते हिमालयन लाइफ इन्स्योरेन्स लिमिटेडले झापाको बिर्तामोडबाट बीमा जागरण अभियान कार्यक्रमको औपचारिक शुभारम्भ गरेको थियो । हिमालयन लाइफ इन्स्योरेन्सले सर्वसाधारणलाई बीमाको दायरामा समेट्न ७७ वटै जिल्लामा कार्यक्रम सञ्चालन गर्न लागेको हिमालयन लाइफ इन्स्योरेन्स लिमिटेड कोशी प्रदेश प्रमुख भुपराज पराजुलीले बताए । उक्त कार्यक्रमको प्रमुख अथिती समेत रहेका सुनसरी क्षेत्र नं ३ का सांसद रोहित बहादुर कार्कीले बीमा प्रतिको विश्वास अभिवृद्धि गर्नको लागि कम्पनीले गरेको कार्य राम्रो भएको बताउँदै सर्वसाधारण नागरिकलाई बीमाको दायरामा समेट्न आवश्यक रहेको बताए । कम्पनीको प्रमुख कार्यकारी अधिकृत तथा कार्यक्रमको सभापति समेत रहेका मनोज कुमार लाल कर्णले बीमालाई सर्वसाधारणको पहुँचमा पु¥याउन आवश्यक रहेकोले बीमा कम्पनीहरूले बीमा जागरणको अभियानलाई गाउँ गाउँ सम्म लैजानु पर्ने बताए । कम्पनीको कोशी प्रादेशिक कार्यालय प्रमुख भुपराज पराजुलीले स्वागत मन्तव्य राखेका थिए भने प्रमुख अतिथि समेत रहेका सांसद कार्किले पानसमा बति बालेर कार्यक्रमको उद्घाटन गरेका थिए । कार्यक्रममा  इटहरी र आसपासका विभिन्न व्यक्तित्वहरू , विभिन्न सङ्घ, संस्था, सहकारी संस्था, टोल विकास संस्थाका प्रतिनिधिहरू लगायत सर्वसाधारण नागरिकको उपस्थिति रहेको थियो । बीमा जागरण अभियान देशका ७७ वटै जिल्लामा सञ्चालन गरी बीमामा सर्वसाधारणको पहुँच बढाउने कम्पनीले जनाएको छ ।