इलाम २ उपनिर्वाचन : उम्मेदवार थेगिमलाई सघाउँदै हर्क साम्पाङ

इलाम : धरान उपमहानगरपालिकाका मेयर हर्क साम्पाङले इलाम क्षेत्र नम्बर दुईको उपनिर्वाचनमा पहिचान पक्षधर उम्मेदवार डकेन्द्रसिंह थेगिमलाई सघाउने भएका छन् ।

उनले यस अघि देखी नै सामाजिक सञ्जालमा समेत उम्मेदवार थेगिमलाई सघाउने जानकारी दिँदै आएका थिए ।

उनी इलाम क्षेत्र नम्बर दुईमा आएर उनले अब जित निश्चित भएको बताउन थालेका छन् ।

जिल्लाको माङ्सेबुङ स्थित भालु टारमा आयोजित चुनावी कार्यक्रममा उनले श्रमदान गरेर औपचारिक रूपमा नै थेगिमलाई सघाउन आएको बताए ।

आउँदो वैशाख १५ मा हुने इलाम क्षेत्र २ को उपनिर्वाचनमा पहिचान पक्षधरले जित्नु पर्ने उनको भनाइ छ ।

उनी लगायत उनका साथमा आएकाहरूले समेत इलाममा सडक मर्मत गरेका छन् ।