स्टेलर इन्टरनेसनल एजुकेसनको सेवा इटहरीमा

इटहरी : १९ वर्षयता अध्ययन तथा शैक्षिक परामर्श सम्बन्धी सेवा प्रदान गर्दै आएको स्टेलर इन्टरनेसनल एजुकेसनले इटहरीबाट सेवा सुरु गरेको छ । स्टेलरले अमेरिका, अस्ट्रेलिया, युके, न्यूजिल्यान्ड, जापान, दक्षिण कोरिया, युरोप दुबई लगायतका मुलुकहरूमा अध्ययनका लागि जान इच्छुक विद्यार्थीहरूलाई सेवा प्रदान गर्दै आएको छ । योग्य र क्षमतावान् विद्यार्थीहरूलाई प्रतिष्ठित विद्यालय तथा युनिभर्सिटीहरूमा आकर्षक छात्रवृत्तिको लागिसमेत पहल गर्दै आएको संस्थाका प्रबन्ध निर्देशक खगेन्द्र कार्कीको दाबी छ । क्वालिटी एजुकेसन, विश्वसनीयता, दक्ष अनुभवी, विदेशबाट उच्च शिक्षा हासिल गरेका टिमले विभिन्न देशका भाषाहरू पढाउने गरेका कारण पनि छोटो समयमै विद्यार्थीहरूको रोजाइमा पर्न सफल भएको उनको दाबी छ । विद्यार्थीले रोजेको विश्वविद्यालयमा अध्ययन गर्न पाउनुका साथै आवास तथा रोजगारीका क्षेत्रमासमेत आबद्धता हुनका लागि स्टेलरले सहजीकरण गर्दे आएको उनले बताए । पूर्व क्षेत्रमा धेरै शैक्षिक परामर्श दिने कन्सल्टेन्सी भए पनि सबैबाट विद्यार्थीहरू पूर्ण रूपमा सन्तुष्ट हुन नसकिरहेको उनको भनाइ छ । सोही कारण विद्यार्थीहरूको इच्छा अनुसारको शैक्षिक परामर्श दिँदै सेवा गर्ने उद्देश्यले स्टेलरलाई इटहरीमा स्थापना गरेको संस्थाका प्रशासनिक निर्देशक क्षितिज बुढाथोकीले बताए । शिक्षा मन्त्रालयबाट सम्बन्धन प्राप्त स्टेलरले इटहरीले IELTS, PTE,TOEFL ,DUOLINGO, D-SAT, Japanese Language Classes, Korean Language Classes  अध्ययन-अध्यापन गराउँदै आएको छ । स्टेलरको इटहरीबाहेक काठमाडौँ, धनगढी र बुटवलका शाखामार्फत सेवा प्रदान गर्दै आएको छ ।