नेपालमा एकै दिन तीन भूकम्पका धक्का : कास्की र बझाङ केन्द्रबिन्दु

काठमाण्डौ: आज नेपालमा एकै दिन तीन पटक भूकम्पको धक्का महसुस गरिएको छ। राष्ट्रिय भूकम्प मापन केन्द्रका अनुसार कास्की र बझाङ जिल्लामा फरक-फरक समयमा ती भूकम्प गएका हुन्।

बिहान ११:५६ बजे कास्कीको फूलिबाङ आसपास क्षेत्रलाई केन्द्र बनाएर ४.४ म्याग्निच्युडको भूकम्प गएको थियो। त्यसपछि दिउँसो १२:५० बजे कास्कीकै अन्नपूर्ण क्षेत्रमा ४.१ म्याग्निच्युडको अर्को भूकम्प गएको केन्द्रले जनाएको छ।

यसै दिन साँझ ६:२७ बजे बझाङको मासदेव क्षेत्रलाई केन्द्र बनाएर ४.२ म्याग्निच्युडको भूकम्प गएको हो।

तीनै भूकम्प मध्यम परिमाणका भए पनि हालसम्म जनधनको क्षतिको विवरण आएको छैन।