कोशी प्रदेशसभामा बजेटको सिद्धान्त र प्राथमिकतामाथि छलफल सकियो

बिराटनगर : आज कोशी प्रदेशसभाको बैठकमा आगामी आर्थिक वर्षको बजेट निर्माणका लागि आवश्यक ‘सिद्धान्त र प्राथमिकता–२०८२’ माथिको छलफल सकिएको छ। यो विधेयक आर्थिक मामिला तथा योजनामन्त्री रामबहादुर मगरले जेठ ११ गते सदनमा पेस गरेका थिए।

यो छलफलमा २७ जना सांसदले भाग लिए र आफ्ना धारणा तथा सुझाव राखे। योजनामन्त्री मगरले तिमीहरू सांसदहरूले दिएका सुझावहरूलाई सकारात्मक रुपमा लिँदै नीति तथा कार्यक्रमलाई आधार मानी सिद्धान्त र प्राथमिकता तयार पारिएको जानकारी दिए।

उनका अनुसार यो सिद्धान्त र प्राथमिकता आर्थिक वृद्धि, दिगो विकास, सुशासन, शिक्षा, स्वास्थ्य, कृषि, भौतिक पूर्वाधार, रोजगारी, पर्यटन, वन, वातावरण संरक्षण, विपद् व्यवस्थापन, सहकारी, सार्वजनिक वित्त व्यवस्थापनलगायत विषयमा केन्द्रित हुनेछ।

कांग्रेसका सांसद प्रदीपकुमार सुनुवारले विशेष समयमा बोलेर संसद जनताको आवाज उठाउने थलो हुनुपर्ने बताए। उनले बजेट पारदर्शी हुनु पर्ने र सांसदहरूको योजनाको सुनिश्चितता गरिनु पर्ने धारणा राखे।

शून्य समयमा भने सांसद सपना दर्जी, रमेशकुमार बस्नेत, लीलाबल्लभ अधिकारी, मीना श्रेष्ठ, शीला दीक्षित कार्की, निरादेवी खनाल, मालतीकुमार लिम्बू, ललिता चौधरी, रामकुमार खत्री, सुनिता गच्छदारलगायतले आ–आफ्ना क्षेत्रका समस्याहरू उठाए ।

उपसभामुख सिर्जना दनुवारले अर्को सूचना नआएसम्मका लागि प्रदेशसभाको बैठक स्थगित भएको जानकारी दिइन्।