वीरगन्ज महानगरका विद्यालयमा थप ६ दिन गर्मी विदा

काठमाडौँ । वीरगन्ज महानगरपालिकाले विद्यालयमा थप ६ दिन गर्मी विदा दिएको छ ।

महानगर भित्रका सामुदायिक तथा संस्थागत विद्यालयहरूमा ६ दिन गर्मी बिदा थप गरिएको शैक्षिक प्रशासन महाशाखाका प्रमुख आनन्द लामिछानेले जानकारी दिएका छन् ।

महानगरले भनेको छ- 'विगत केही दिन देखि वढ्दै गएको अत्यधिक गर्मीको कारणवाट विद्यार्थीहरूको स्वास्थ्यमा प्रतिकुल असर पर्न सक्ने अवस्था देखिएकोले मिति २०८२/०३/०१ गते आइतवार देखि २०८२/०३/०६ गते शुक्रबारसम्म ६ (छ) दिन वर्षे सट्टे विदावाट मिलान हुने गरी सबै सामुदायिक तथा संस्थागत विद्यालयहरूमा पठनपाठन स्थगित गरिएको वेहोरा सम्वन्धित सवै विद्यालय, विद्यार्थी तथा अभिभावकहरूको जानकारीको लागि आदेशानुसार यो सूचना प्रकाशित गरिएको छ ।'

महानगरले यसअघि जेठ २९ र ३० मा विद्यालयहरुमा गर्मी बिदा दिएको थियो ।