तस्वीरमा हेरौँ इक्यानको २९औँ वार्षिक दिवस

काठमाडौँ : नेपाल शैक्षिक परामर्श संघ (इक्यान) स्थापनाको २९औं वर्षको अवसरमा आज भव्य रुपमा कार्यक्रम सम्पन्न भएको छ ।

सो अवसरमा सञ्चार तथा सूचना प्रविधिमन्त्री पृथ्वी सुब्बा गुरुङले इमानदार नेता र अनुशासित नागरिकको पहलबाट नै देश विकास सम्भव हुने विश्वास व्यक्त गरेका छन् । 

पछिल्लो समय विदेशमा विद्यार्थी अध्ययन गर्न जाने सङ्ख्या वृद्धि भएको उल्लेख गर्दै उनले विदेशीएका युवालाई स्वदेशमै फर्काउनका लागि इक्यानले पहल गर्नुपर्ने बताए ।

“उच्च शिक्षाका लागि विदेश जानु सकारात्मक हो तर, इक्यानकै पहलमा ती युवालाई स्वदेशमै भविष्य देखाउनुपर्नेछ,” उनले भनेका छन्, “इक्यानले विदेशमा गएका विद्यार्थीलाई उच्च शिक्षा अध्ययन गरी स्वदेशमै नवीन कार्य गर्न प्रोत्साहित गर्नुपर्छ ।”

इक्यानका अध्यक्ष शेषराज भट्टराईले विश्वमा नेपाली विद्यार्थीले प्रतिस्पर्धा गर्न सक्ने हुनु, नवीन कार्यमा प्रतिष्ठित हुँदै जानु इक्यानको सफलता रहेको बताए । 

यसलाई सरकारले सकारात्मक रूपमा धारणा बनाउन पनि उनले आग्रह गरेका छन् ।