जेनजी आन्दोलनमा झुम्का कारागारबाट फरार भएका कैदी पक्राउ

झापा : जेनजी आन्दोलनका क्रममा  फरार भएका एक जना कैदीबन्दीलाई प्रहरीले पक्राउ गरेको छ । 

कर्तव्य ज्यान कसुरमा फैसला भई कैद भुक्तान गरिरहेको फरार कैदी डम्बर बहादुर मगर ९ शम्भु मगर० पक्राउ परेका हुन् । 

४५ वर्षीय उनी शिवसताक्षी नगरपालिका–११, शेर्माटोल निवासी हुन् ।   जिल्ला प्रहरी कार्यालय झापाका प्रहरी नायब उपरीक्षक खगेन्द्र बहादुर खड्काका अनुसार  प्रहरीले   खोजतलासका क्रममा उनलाई घरमै लुकीछिपी बसिरहेको अवस्थामा इलाका प्रहरी कार्यालय झिलझिलेबाट खटिएको  टोलीले नियन्त्रणमा लिएको जनाएका छन् । 

पक्राउ परेका मगरलाई पुनः झुम्का कारागार, सुनसरी पठाइने तयारी भइरहेको प्रहरीले जानकारी दिएको छ।