मनमा सजिएको तस्बिर

प्रदेश खबर

शनिबार, ३० भदौ २०८०

विमल वैद्य

फोटो त पर्समै छ

अहिले पनि

निकाल्छु र हेर्छु बेलाबेलामा

छौ हृदयमा पनि

सम्झिन्छु र छाम्छु बेलाबखतमा,

म टाढा छु

तिमी भन्दा निक्कै टाढा

केही सपनाहरूलाई थन्क्याएर आफै भित्र

धेरै रहरहरू पूरा गर्न

तिमीबाट छुटेको पनि त निक्कै भयो ।

एउटा घाइते मन

तापको पीडामा पसिना उमार्दै

कहिले बिगतको दु;खमा उङ्छ

कहिले आगतको उज्यालोमा रमाउँछ

ठेला उमारेर हातमा

सुदर समयको रंगमा रमाउँछ

सोधेर सन्चो /बिसन्चो

आफ्नै पीडामा मल्हम लागाउँछ

पानीका लहरहरूरले उसलाई छोइ भाग्दा

आफू / आफैसंग डराउँछ

अग्लो महलको माथिल्लो छतमा उभिएर

तल हेदै ,

सम्बन्धको गहिराइसंग आत्तिन्छ

तिमी संगको साथ छुटेदेखि नै त हो

यस्तै हुन थालेको पनि।

एक्लो कोठामा कहिले

बादल छाउँछ

कहिले पसिना उमार्छ

त्यही कोठाले

शुन्यताहरू भूगोलको सीमा नाघेर

उतै आफ्नै आँगनमा पुग्छ कहिले

जहाँ स्थगित सपनाहरू

प्रसवको यातनामा छट्पटाई रहेको देख्छ

यता मेरो आकाश

झरीमा रूझेर सधैं रोइरहन्छ

निस्तेज समय

बाध्यतताको पर्खालमा घोप्टिएर चिच्याउँछ

आर्तनाद सुन्ने कानहरू

उसले उतै छोडेर आएको धेरै भयो

यता त केवल आदेश चल्छ

समय बिक्छ

अँ साच्चै ,

एउटा कुरा सोध्न मन लाग्यो

तिम्रो हातको पर्सभित्र

मेरो फोटो छ/ छैन!

प्रतिक्रिया

लेखकको बारेमा

प्रदेश खबर

लेखकको सबै आर्टिकल

मनमा सजिएको तस्बिर

प्रतिक्रिया

प्रदेश खबर

धेरै पढिएको

पश्चिमी वायुको आंशिक प्रभाव कायमै, आज यी चार प्रदेशमा वर्षासहित हिमपातको सम्भावना

२२ वर्षमै ‘अरबपति’ बने तीन युवा, मार्क जकरबर्गलाई पनि पछि पारे

एमालेले जारी गर्यो अपानी, आन्दोलनमा संलग्न नेता कार्यकर्तामाथि कारबाही गर्ने

विराटनगरमा स्कुटर दुर्घटनामा घाइते भएका १८ वर्षीय निखिलको उपचारका क्रममा मृत्यु

११ राजदूतलाई मन्त्रालयमा कामकाज गर्ने गरी बोलाइयो

मन्त्रिपरिषद् बैठकका पछिल्ला निर्णय सार्वजनिक

सम्बन्धित समाचार

विराटनगरमा ‘एक चिहान’ : किताबको अक्षर रंगमञ्चमा

‘राष्ट्रकवि माधवप्रसाद घिमिरे’ पुरस्कार प्राध्यापक कँडेललाई

इटहरीमा ‘क्याफेमा कविता’को छैटौँ शृङ्खला

देशको हितमा खबरदारी गर्न इटहरीका कवि तथा कलाकार सङ्गठित

सुविन भट्टराईको ‘चमेलीको फूल बैजनी रूमाल’ लोकार्पण

सीमा आभासको ‘महायुग’ माथि इटहरीमा विमर्श : के छ कृतिमा ?

विराटनगरमा अतिथि साहित्यकारको सम्मानमा भेटघाट तथा सिर्जना वाचन