"देश"

मंगेश बस्नेत

देश हारेको यो वेला

म धित फुकाएर रुन पनि सक्दिन

राष्ट्र ओरालो लागेको यो वेला

म मजाले हाँस्न पनि सक्दिन

खै ... के भा को हो मेरो देशलाई ?

कुन ग्रह दशाले सताएको हो

मेरो राष्ट्रलाई ?

हाम्रा विर पुर्खाहरु भक्ति, वलभद्रले

रक्षा गरेको पवित्र भूमिलाई

पराय पाउले विटुलो नपारेको

पुन्य यो धर्तिलाई

जनक, अंशुवर्मा र अरनिको सिपले

कुँदेर वनाको सुन्दर यो मुलुकलाई

सिता र भृकुटीको सतित्वको गंगाजलले

छर्केर शुद्ध पारेको यो मेरो माटोलाई

प्रजातत्त्रको नाममा, लोकतन्त्रको नाममा ... र

गणतन्त्रको नाममा

शुसासन र समृद्धिको नाममा

अनि – देश र जनताको नाममा

काण्डै काण्डको कथा वुन्न

भ्याई नभ्याई भइरहेछ आजभोलि

देश, राष्ट्र अनि जनतालाई

एकातिर थन्काएर

भ्रष्टचारको दलदलमा जताततै चुर्लुम्म डुवाउन

फूर्सदै कहाँ छ र हिजो आज

अनि – त कतै

वाख्राको नाममा, कतै सर्पको नामा

कोभिडको नाममा, औषधिको नाममा

मान्छे ओसारपसारको नाममा त कै जग्गाको नाममा

... र अझै सुन र डलरको नाममा

अरु के के को नाम भजाएर हो ?

अरु के के काण्डको नाम साटेर भनुँ ?

थुप्रै थुप्रै काण्डहरुको फोहोर डंगुर

सगरमाथा झै चुलिदो छ

अझ–

श्रीमती, छोराछोरी, भाई भतिजो, भान्जा भान्जिको

नाताको त कुरै नगरौ

क्षमता र योग्यताको न कुरा गरुम

राजा राम शाह, जनक अनि

मुक्तियारी भिमशेनको न्यायको त कुरौ छाडौ

छि ... घिन लागेर आउँछ

घृणा पलाएर झाँगिन्छ

सायद विश्व मानचित्रमा

नालायक राष्ट्रको रुपमा रुपान्तिरित

विचरा मेरो मुलुक

डाको छोडेर चित्कार गर्दै

रुन सक्ने भए

दुनिया नै थर्काउने गरी रुन्थ्यो होला

हुन सक्थ्यो आत्मदाह नै गथ्र्यो होला

तर ... अचेल मेरो देश

रमिते भएर टुलुटुलु हेरिरहेछ

पक्षघातले सताएको

सिथिल विरामी झै

लम्पसार परेको छ

... र यस्तै भैरहे

कालान्तरमा एकपल्ट फेरि

बुँढा भक्ति तिमी

पराय दुश्मन लघार्न नभई

देश भित्रकै सत्रु लखेट्नलाई

खुँडा खुकुरी अर्जापेर आउँनु पर्छ

अमरसिंह तिमी–

पश्चिमको गौंडा रुग्न होइन

७७ बटा गौडा भित्रको

मौलाएको विकृत संस्कारहरु ढाल्न

भरुवा, चुलेसी, गुलेली लिएर आउनु पर्छ

अनगिन्ती भ्रष्टाचार, कुरिती

मौलाएको यो जमिनमा, यो धर्तिमा

जनक तिमी– छोरी जन्माउन होइन

हलो र अनौ तिखारेर

व्यभिचारी, राष्ट्रघाती निर्मूल पार्न आउनु पर्छ

अरनि तिमी– एकपल्ट फेरी

क्यानभास, रंगरोकन र कुची वोकेर

वेढंगले कोरीएको यो देशको चित्रलाई

आकर्षक, समुन्नत कलाकारिता पस्कन आउनु पर्छ

अनि सिता, भृकुटी तिमी–

हाम्रा चेलीहरुको अस्मिता किनवेच गर्ने

सेता ब्बाँसाहरुको लागि

फेरी राज्य लक्ष्मीको तरवारको धार टल्काउँदै

फाँसी र काल वनेर आउनु पर्छ

होइन भनेत–

शुसासनको नाममा, दुनियाँ तत्त्रको विस्कुन सुकाएर

हामीलाई दाश वनाउने खेल निरन्तर चलिरहने छ

जनताको रगत र पसिनाको सिनो खाने

नरभक्षिहरुको राज अविरल टिकी रहनेछ

... तर –अव देशलाई दासतावाट जोगाउने हो भने

राष्ट्रलाई यो विकृत जडताबाट

मुक्त गर्ने हो भने

विकल्प– हामीबाटै खोज्ने वेला आएको छ

गम्भीर भएर विमर्श गर्ने दिन आएको छ

नत्र भने त– हाम्रा ति पुर्खाहरुले धिकार्ने छन्

दिन रात सराप्ने छन्

एउटा निश्कलंक, निश्वार्थी, उन्नत

देशको, राष्ट्रको परिकल्पना गरेर

उठौं तिन करोड जुझारु जनता

जुटौं सवै वर्गका प्रताडित जनता

नौटंकी, जन्तामारा शासन चाहिएन अव हाम्लाई

यो आधुनिक सताब्दीमा

दासता स्वीकार्य छैन हामीलाई

हातमा जे छ, साथमा जे छ

सहारा दिने वैसाखी नै भए पनि

अति ढिला भैसक्यो

फेरी– अव एउटा क्रान्ती जरुरी छ– यो देशमा

फेरी – अव एउटा शान्ती आवश्यक छ– यो राष्ट्रमा

फेरी – अव एउटा सुव्यवस्था खाँचो छ– यो मुलुकमा

भूगोलमा चमच जत्रो भए पनि

गर्व गर्न सकुँ– एक चोटी उच्च शिर वोकेको

सगरमाथाको देश भनी ।।।

प्रतिक्रिया

लेखकको बारेमा

प्रदेश खबर

लेखकको सबै आर्टिकल

"देश"

प्रतिक्रिया

प्रदेश खबर

धेरै पढिएको

सरकारी क्वार्टरमै मृत भेटिए छोराछोरी सहित एकै परिवारका चार जना

काठमाडौंमा बलात्कारपछि युवतीको हत्या, भूपू सैनिक पक्राउ

प्रशासकीय अधिकृतलाई हाजिर गर्न नदिने स्थानीय तहको खाता रोक्का गरिने

आजको मौसम : पाँच प्रदेशमा तापक्रम बढ्ने,यी प्रदेशमा हुनेछ चट्याङ्गसहित वर्षा

आजको राशिफल बि.सं २०८२ वैशाख ३१ गते बुधबार ई.सं २०२५ मे १४

बर्ड फ्लुका कारण बाघिनीको मृत्यु भएपछी सबै चिडियाखाना अस्थायी रूपमा बन्द

सम्बन्धित समाचार

दुर्गा खरेलको ‘विश्वमानव’ निबन्धसङ्ग्रहको लोकार्पण

देश र संसार बुझ्न कविता प्रभावशाली माध्यम : पूर्वराष्ट्रपति भण्डारी

कर्णाली सरकार प्रज्ञा प्रतिष्ठान गठनको तयारीमा

तरहरामा राष्ट्रिय कविता प्रतियोगिताको तयारी, पुरस्कार राशि ५१ हजार

‘नेपालमा दर्शकको रुची अनुसारका गुणस्तरीय नाटकको अभाव छ’

साहित्यकार याक्खाको दुई कृतिको विमोचन

भैरव रिसालले भनेका थिए : ‘मृत शरीर ज्यूँदोहरुलाई काम लाग्ने रहेछ’

सिजन श्रेष्ठको हावामा अल्झिएको स्वरले पायो गामबेंसीका कवि युवा साहित्य पुरस्कार