देउमाईमा नगरपालिकाले सुरु गर्यो एम्बुलेन्स सेवा

इलाम, मंसिर :  इलामको देउमाई नगरपालिकाले एम्बुलेन्स सेवा सुरु गरेको छ । सो क्षेत्रमा प्रभावकारी एम्बुलेन्स नभएका कारण नगरपालिकाले नयाँ एम्बुलेन्स खरिद गरेर सञ्चालनमा ल्याएको हो । नगरवासीको सहजताका लागि एम्बुलेन्स सुरु गरिएको प्रमुख सूर्य पोख्रेलले बताए । उनका अनुसार नगरपालिकाले चालु आर्थिक वर्षमा खरिद गरेका भाइब्रेटर, ब्याक हो लोडर, र रोलर पनि सञ्चालन गरेको छ । हाल सो नगरपालिकाको प्रशासकिय भवन समेत निर्माणाधिन अवस्थामा रहेको छ ।