भोजपुर प्रदेश सभाका लागि सत्ता गठबन्धनका उमेदवार राजेन्द्र कुमार राई निर्वाचित भएका छन् ।
नेकपा एकीकृत समाजवादीका तर्फबाट उमेदवार बनेका राईले निकटतम् प्रतिस्पर्धी नेकपा एमालेका हरि बहादुर राईलाई पराजित गर्दै निर्वाचित भएका हुन् ।
निर्वाचन क्षेत्र नं १ मा जम्मा खसेको ३२ हजार ४ सय ९ मतमध्ये राजेन्द्र कुमार राईले १६ हजार १ सय १० मत प्राप्त गरेका छन् भने नेकपा एमालेका हरि बहादुर राईले १२ हजार २ सय २३ मत प्राप्त गरेका छन् ।
प्रतिस्पर्धी राईले भन्दा राजेन्द्र कुमार राईले ३ हजार ८ सय ८७ मतको मतान्तरले विजयी प्राप्त गरेका हुन्। उनले गठबन्धनबाट सरकार हुँदा मुख्यमन्त्री बन्ने गरि उमेदवारी दिएका थिए । उनी नेकपा एमालेको फुटपछि गठबन्धनको तर्फबाट प्रदेश नं।१ को मुख्यमन्त्री भएका थिए ।
प्रदेश खबर
प्रतिक्रिया