मुख्य उपलब्धि -मुलुकले कोभिड महामारीका साथै रुस–युक्रेन तनावबाट सिर्जित आपूर्ति अवरोधको सामना गरिरहँदा मौद्रिक नीतिको सजगतापूर्ण कार्यदिशा र नियामकीय नीतिहरूमा गरिएको सामयिक एवं उपयुक्त परिवर्तनका कारण मुलुकमा आर्थिक स्थायित्व कायम भयो। -बाह्य क्षेत्रमा उल्लेख्य सुधार भयो। तर, मूल्यमा सिर्जित चाप कम हुँदै गएको छ। -कोभिड महामारीबाट प्रभावित अर्थतन्त्रको पुनरुत्थानका लागि मौद्रिक नीतिको लचिलो कार्यदिशा अवलम्बन गर्नुका साथै विभिन्न नियामकीय छुट-सुविधाहरू प्रदान गरियो। -राष्ट्र बैंकले कर्जा सहजीकरणका लागि पुनर्कर्जालगायतका सुविधा प्रदान गर्यो। -वित्तीय स्थायित्व कायम गरी वित्तीय क्षेत्रप्रति सर्वसाधारणको विश्वास अभिवृद्धि गर्नका लागि वित्तीय क्षेत्र नियमनमा अन्तर्राष्ट्रिय असल अभ्यासहरू अवलम्बन भए। -सुपरिवेक्षणको दायरा विस्तार गरी सम्पत्ति शुद्धीकरण र सूचना प्रविधि तथा साइबर सुरक्षासम्बन्धी सुपरिवेक्षण, गैरबैंक तथा वित्तीय संस्थाको सुपरिवेक्षण, भुक्तानी प्रणाली सञ्चालक तथा भुक्तानी सेवा प्रदायक संस्थाको निगरानी सुुरु भयो। -विद्युतीय भुक्तानीको पूर्वाधार विकास, भुक्तानी उपकरणहरूमा सर्वसाधारणको पहुँच तथा विद्युतीय भुक्तानीका उपकरणको उपयोगमा उल्लेख्य वृद्धि हँुदै गएको छ। यसबाट वित्तीय समावेशिता अभिवृद्धि गर्नमा मद्दत पुगेको छ। -१ सय १६ नीतिगत व्यवस्थाहरू तर्जुमा भई कार्यान्वयनमा आए र विद्यमान नीतिगत व्यवस्थामा आवश्यक संशोधन गर्दै लगिएको छ। -नीति निर्माणलाई तथ्यांक एवं प्रमाणमा आधारित बनाउने उद्देश्यले बैंकले विभिन्न आर्थिक तथा वित्तीय क्षेत्रका विषयमा अध्ययन भए। -यसबाट प्राप्त नतिजा एवम् सुझावका आधारमा विद्यमान नीतिगत व्यवस्थामा आवश्यक सुधार गर्न र नयाँ व्यवस्था तर्जुमा गर्न मद्दत। -केन्द्रीय बैंकको संस्थागत सुशासन सुदृढ गर्न, जोखिम व्यवस्थापन गर्न तथा बैंकको कार्यसञ्चालनलाई प्रभावकारी बनाउन थप व्यवस्था -तर्जुमा -भूकम्पबाट क्षतिग्रस्त भवनहरूको पुनर्निर्माण सम्पन्न भएको छ। बैंकको सुरक्षाप्रविधिको सवलीकरणका लागि साइबर सुरक्षा लगायतका पक्षहरूमा व्यवस्थित सँगै सेवाहरू डिजिटलाइज गर्दै लगिएको छ।आजको अन्नपुर्ण पोस्ट दैनिकमा प्रकाशित छ ।
पत्रपत्रिकाबाट
प्रतिक्रिया