दाङमा दुई किशोरबीच कुटाकुट हुदाँ एकजनाको मृत्यु

दाङ । दाङको तुलसीपुर उपमहानगरपालिका–९, बेलुवामा दुई किशोरबीच कुटपिट हुँदा गम्भीर घाइते भएका एकजनाको मत्यु भएको छ ।

नेपालगन्जस्थित नर्सिङ होममा उपचारका क्रममा रुकुमको बाँफिकोट गाउँपालिकाका स्थायी बासिन्दा १४ वर्षीय विराज गिरीको मृत्यु भएको प्रहरीले जनाएको छ । उनको टाउकोमा गम्भीर चोट लागेको थियो ।

तुलसीपुरस्थित इलाका प्रहरी कार्यालयका प्रहरी निरीक्षक सूर्य रानाका अनुसार, बुधबार (जेठ २१) १५ वर्षीय यज्ञ वली र गिरीबीचको झगडा कुटपिटमा परिणत भएको थियो । वलीलाई नियन्त्रणमा लिइएको छ ।