एनआईसी एशिया बैंकका ग्राहकलाई र्‍याडिसन होटलमा २० प्रतिशतसम्म छुट सुविधा

काठमाडौं : एनआईसी एशिया बैंकका ग्राहकले अब राजधानीस्थित र्‍याडिसन होटलमा विशेष छुट सुविधा पाउने भएका छन्। बैंक र होटलबीच सम्पन्न सम्झौताअनुसार ग्राहकले डिजिटल भुक्तानी गर्दा २० प्रतिशतसम्म छुटको सुविधा उपभोग गर्न सक्नेछन्।

सम्झौताअनुसार, बैंकका ग्राहकले होटलमा खाना तथा पेय पदार्थ र फिटनेस सेन्टर (जिम) प्रयोग गर्दा २० प्रतिशत छुट पाउनेछन्। यस्तै, Airport Lounge and Restaurant, Pastry Shop र Tranquillity Spa मा भने १५ प्रतिशत छुटको व्यवस्था गरिएको छ।

ग्राहकले यस सुविधाको लाभ लिन एनआईसी एशिया बैंकको डेबिट कार्ड, क्रेडिट कार्ड, प्रिपेड कार्ड वा मोबैंक एपमार्फत भुक्तानी गर्नुपर्नेछ।

यस सहकार्यले ग्राहकलाई छुट सुविधा दिलाउनुका साथै डिजिटल भुक्तानी सेवालाई प्रवर्द्धन गरी नगदरहित कारोबारतर्फ अघि बढ्ने विश्वास बैंकले जनाएको छ।

सम्झौताको जानकारी दिँदै बैंकका सहायक प्रमुख कार्यकारी अधिकृत (प्रमुख सूचना अधिकारी) अर्जुन राज खनियाले यस कदमले ग्राहकलाई थप सुविधा उपलब्ध गराउने र डिजिटल कारोबारलाई प्रोत्साहन गर्ने बताए