एशियन थाई फुड्सले ‘डेभिल्स हट चिकेन नूडल्स’ बजारमा ल्याउने

काठमाडौं : पाँच वर्षदेखि निरन्तर नुडल्स निर्यात गर्दै आएको एशियन थाई फुड्सले नेपालमा पुनः नयाँ परिकार ‘डेभिल्स हट चिकेन नूडल्स’ बजारमा ल्याउने भएको छ। कम्पनीले भदौ १६ गते सोमबारदेखि उक्त नूडल्सको शुभारम्भ गर्ने जनाएको छ।

कम्पनीले यस नूडल्सलाई “नेपालकै सबैभन्दा मिठो स्वाद। डेभिलिसियअस छ” भन्ने ट्यागलाइनसहित प्रस्तुत गर्दै साधारण नूडल्स भन्दा भिन्न, मसालेदार र साहसिक स्वादको अनुभव दिने दाबी गरेको छ। एशियन थाई फुड्सका निर्देशक आशिष जाजुले यसलाई साधारण नूडल्स मात्र नभई स्वादयुक्त चुनौतीको रूपमा पनि वर्णन गरेका छन्।

व्यवस्थापकीय निर्देशक महेश जाजुले भने, कम्पनीले हालै निजी लिमिटेडबाट लिमिटेड कम्पनीमा संक्रमण गर्दै आईपीओ तयारीको क्रममा नवप्रवर्तन र नेपाली रुचिअनुसारको स्वादमा प्रतिबद्धता कायम राखेको बताए। उनका अनुसार डेभिल्स हट नूडल्समा बोल्ड, सन्तुलित मसला र स्वादको उच्च स्तर देखिन्छ, जसले नेपाल तथा विदेश दुवैका ग्राहकलाई मन पर्नेछ।

उक्त नूडल्सको प्रति प्याक मूल्य ५० रुपैयाँ राखिएको छ भने ५ प्याकेटको फ्यामिली प्याक २५० रुपैयाँमा उपलब्ध हुनेछ। प्रत्येक प्याकमा चकलेट वेफलर पनि रहनेछ, जसले तातो खानापछि मिठासको अनुभव थप गर्नेछ।

कम्पनीका अनुसार डेभिल्स हट चिकेन नूडल्स भाटभटेनी लगायत ठूला खुद्रा पसल तथा दराज जस्ता अनलाइन प्लेटफर्ममार्फत नेपालका सबै ठूला सहरमा सजिलै उपलब्ध हुनेछ।