बूढीगंगाका महिलालाई स्वरोजगार बनाउन डकर्मी तालिम

विराटनगर : बूढीगंगा गाउँपालिकाका विपन्न समुदायकी महिलाहरुलाई स्वरोजगार बनाउन १० दिने डकर्मी तालिम सोमबारदेखि सुरु भएको छ। तालिम वडा नम्बर ४ को समन्वयमा राष्ट्रिय अपांग पुनःस्थापना समाज काठमाडौंको आयोजना र स्टान्डर्ड चार्टर्ड बैंकको सहयोगमा सञ्चालन गरिएको हो।

गाउँपालिका अध्यक्ष जितनारायण थापा मगरले उद्घाटन गर्दै तालिमले महिलाहरूलाई आय आर्जन गर्ने सीप सिकाउने विश्वास व्यक्त गरे। उनले भने, “हातमा सीप भएमा कोही पनि भोकै बस्नु पर्दैन। यो तालिमपछि महिलाहरू स्वरोजगार हुनेछन्।”

तालिम गाउँपालिका उपाध्यक्ष अमृताकुमारी गच्छदार, वडाध्यक्ष शशीकान्त चौधरी र अन्य स्थानीय प्रतिनिधिहरूको उपस्थितिमा संचालन भएको थियो। तालिम आत्मनिर्भर समाजका अध्यक्ष सुरेन्द्र थापाको संयोजकत्वमा सञ्चालन भएको हो।

नेपाल इन्भेष्टमेन्ट बैंक लिमिटेडको सहयोगमा ८ महिला र १० पुरुष गरी कुल १८ सहभागीलाई स्वरोजगार र सीप विकास सम्बन्धी प्रशिक्षण दिइएको छ। तालिममा सहभागीहरूले व्यावसायिक सीप, आयआर्जन प्रविधि र स्वरोजगार सम्बन्धी ज्ञान प्राप्त गरेका छन्।

तालिम सम्पन्न भएपछि सहभागीहरूलाई प्रमाणपत्र वितरण गरिएको छ। आयोजक समितिले तालिममार्फत स्थानीय युवालाई रोजगारमुखी बनाउन र गाउँपालिकामा आर्थिक सशक्तीकरण प्रवर्द्धन गर्ने उद्देश्य रहेको जनाएको छ।