एनपीलमा पोखरा एभेन्जर्सको पहिलो जित, जनकपुर लगातार पराजित

नेपाल प्रिमियर लिग (एनपीएल)मा पोखरा एभेन्जर्सले साविक विजेता जनकपुर रोयल्सलाई २४ रनले हराउँदै दोस्रो संस्करणमा पहिलो जित दर्ता गरेको छ। कीर्तिपुरमा भएको खेलमा १५६ रनको लक्ष्य पछ्याउँदै जनकपुर २० ओभरमा ९ विकेट गुमाएर १३० रनमै रोकियो।

पोखराका विपीन खत्री चम्किए– उनले ४ ओभरमा १५ रन खर्चेर ४ विकेट लिए। सुमित वर्माले अर्धशतक (५०*) सहित २ विकेट पनि लिए।

जनकपुरका वायन पार्नेलले ३८ बलमा ५० रन बनाए तर ‘रिटायर्ड हर्ट’ हुँदै बाहिरिए। जनकपुरका अन्य ब्याटरहरूले दोहोरो अंकमा रन बनाउन नसक्दा टोली तेस्रो पटक पराजित भयो।