सपना र गणतन्त्र

शुभलक्ष्मी लम्साल

ए होइ ! फुलमाया !

कति टिप्छेस् !

आफ्नो जोवन जस्तै कलिला चियाका मुनाहरु

भर्छेस् डाेकोमा सुनौलाै बिहानीको रहर

बरु सुस्ता एकछिन !

छिया छिया परेको अम्लाले

सल्का खुकुरी चुरोट

आनन्दले फुकी दे धुवाँ आकाशतिर

तान्दा तान्दै बाँकि राख ठुटाे

त्यही झिल्को लिएर झोसी दे

समानताकाे सपना देखाउनेहरुको महल।

इमर सुन् ! धनिया !

घामले डढिसकेको जिर्ण आङ लिएर

कति पुर्याउछेस् खेतमा कलौ

बुढो रुख भैसकेको धनिकलाललाई

अनि...

गर्व गर्न दिन्छेस शासकहरूलाई

कृषि प्रधान देश भनेर

बरु भाकेर थान देउता

कसम खा एक बोतल रक्सीको

उठा हलो, लगा फाली

जोति दे टुँडीखेलको घाँसे मैदान

हेर ! कहाँ छ? त्यहाँ

किसानहरूकाे गाडीएकाे दस्तावेज ।

ओई ! सुनाखरी !

कति हाल्छेस् कोदोमा मर्चा र

बनाउछेस् आफ्नो जीवन भन्दा अमिलो जाँड

बरु लगा एक डबका आफै

आईज सभ्य सभामा

उतारी दे ! एक एक गरेर

भलादमीहरुको मकुण्डाे ।

ओ! क्रिकेटर !

कति मार्छौ मैदानमा चौका र छक्का

आअाे ..

ब्याट , बल र स्टम्प लिएर

संसद भवनको पटाङि्गनीमा

हान सिक्सर

फुटाइदेउ पर्दा र सिसा लागेका ती झ्यालहरु

नाङ्गियोस त्यहाँ रहेका काला कर्तुतहरु ।

ओ !मैना सुनुवार, सुन्तली र निर्मलाहरु !

आओ ...

लस्करै सुत चौबाटाेमा

हेरौ त !

तिमीहरूको लासलाई कुल्चेर

कसरी बजाउछ्न् बादशाहहरू शान्तिको विगुल

कसरी फहराउदा रहेछन्

चिल्ला गाडीमा देशको झन्डा ।

ओई ! नोर्बु शेर्पा !

कति धाउछ्स् आफ्नो दु:ख जस्तै

कट्कटाउने हिउँमा टेक्दै

गरुङ्गो भारी बोकेर जीवनको उकाली

बरु फाल्दे भारी र आइज

फुटेका पाइताला बजार्दै

चढ सिंहदरबारको गेट माथि

लगा निशाना, बन्दुक ताकेर.

त्यहाँ भित्रीने

शाहन्शाह अनुहारहरुलाई

सुकिलो सपना बाँड्ने

गणतन्त्रका पहरेदारहरूलाई ।

प्रतिक्रिया

लेखकको बारेमा

प्रदेश खबर

लेखकको सबै आर्टिकल

सपना र गणतन्त्र

प्रतिक्रिया

प्रदेश खबर

धेरै पढिएको

२२ वर्षमै ‘अरबपति’ बने तीन युवा, मार्क जकरबर्गलाई पनि पछि पारे

‘म हत्यारा होइन, म पीडामा छु’ : गोली चलाउने आदेश मेरो होइन

एमालेले जारी गर्यो अपानी, आन्दोलनमा संलग्न नेता कार्यकर्तामाथि कारबाही गर्ने

विराटनगरमा स्कुटर दुर्घटनामा घाइते भएका १८ वर्षीय निखिलको उपचारका क्रममा मृत्यु

‘प्रचण्ड’का दुःख: दल र समूह भेला गर्दागर्दै छुटे ‘जनयुद्ध’का सारथि

'राष्ट्रिय मावि आइडल’ मा सेमिफाइनलका लागि २७ जना विद्यार्थी छनोट

सम्बन्धित समाचार

विराटनगरमा ‘एक चिहान’ : किताबको अक्षर रंगमञ्चमा

‘राष्ट्रकवि माधवप्रसाद घिमिरे’ पुरस्कार प्राध्यापक कँडेललाई

इटहरीमा ‘क्याफेमा कविता’को छैटौँ शृङ्खला

देशको हितमा खबरदारी गर्न इटहरीका कवि तथा कलाकार सङ्गठित

सुविन भट्टराईको ‘चमेलीको फूल बैजनी रूमाल’ लोकार्पण

सीमा आभासको ‘महायुग’ माथि इटहरीमा विमर्श : के छ कृतिमा ?

विराटनगरमा अतिथि साहित्यकारको सम्मानमा भेटघाट तथा सिर्जना वाचन