गृहमन्त्री लामिछानेले आफ्ना लागि राखेको छुट्टै सोफा हटाउन लगाए

उपप्रधानमन्त्री तथा गृहमन्त्री रवि लामिछानेले सशस्त्र प्रहरी बलको प्रधान कार्यालयमा आयोजित औपचारिक कार्यक्रममा आफ्ना लागि राखेको छुट्टै सोफा हटाउन लगाएका छन् । शनिबार दिउँसो हलचोकस्थित सशस्त्र प्रहरी बलको प्रधान कार्यालयको निरीक्षण भ्रमणमा पुगेका बेला आयोजित औपचारिक कार्यक्रममा उपप्रधानमन्त्री लामिछानेकालागि छुट्टै सोफा राखिएको थियो । तर उनले उक्त सोफा हटाएर अरु अफिसरसरहको सोफा राख्न निर्देशन दिएका उनका सचिवालय संयोजक दीपक बोहराले जानकारी दिए । कार्यक्रममाम सशस्त्र प्रहरी बलको प्रधान कार्यालयका अन्य पदाधिकारीहरु सँगै बसेर गृहमन्त्री लामिछाने कार्यक्रममा सहभागी भएका थिए ।