इटहरी २० तरहरामा रहेको शान्ति जनकल्याण बहुउद्येश्यीय सहकारी संस्था लिमिटेडको शनिबार भएको निर्वाचनको अन्तिम नतिजा सार्वजनिक भएको छ । सहकारीको अध्यक्षमा बीरबहादुर लिम्बू निर्वाचित भएका छन् ।
उनले ५ सय ९२ मत प्रप्त गर्दै निर्वाचित भएका हुन् । लिम्वुका निकटतम प्रतिद्वन्दी चन्द्रकुमार गिरीले ५ सय ३१ मत प्राप्त गरे । यसैगरी अध्यक्षकै अर्का अउद्वार बसन्त श्रेष्ठले २ सय ४ मत प्राप्त गर्दा मेघराज पराजुलीले ९६ मत प्राप्त गरे ।
यस्तै, उपाध्यक्षमा चिन्तामणी सापकोटाले विजयी हासिल गरेका छन् । विजयी सापकोटाले ६ सय २० मत प्राप्त गर्दा उनका निकटतम प्रतिद्वन्दी टंक पौडेलले ४ सय ७ मत प्राप्त गरे भने अर्का प्रतिष्पर्धी कृष्णप्रसाद भट्टराईले ३ सय ३६ मत प्राप्त गरेका छन् ।
यस्तै, लेखा समिति संयोजकमा कृष्णप्रसाद घिमिरे र लेखा समिति सदस्यमा सनत कोइराला निर्विरोध निर्वाचित भएका छन् । लेखा समिति महिला सदस्यमा ५ सय ९५ मत सहित चन्द्रा कुमारी गिरी निर्वाचित भइन् । सोही पदमा प्रतिष्पर्धा गरेका अनिता घिमिरेले ४ सय ३८ मत प्राप्त गर्दा प्रमिला पराजुलीले १ सय ८५ मत प्राप्त गरिन् ।
यस्तै महिला सदस्यमा लिला देवी राई, कमला नेपाल र सारदा कटुवाल निर्वाचित भएका छन् । निर्वाचित राईले ७ सय २२ मत,नेपालले ६ सय २० मत र कटुवालले ६ सय २० मत प्राप्त गरे । यस पदमा ६ जनाले प्रतिष्पर्धा गरेका थिए ।
यस्तै, खुल्ला सदस्य ६ पदका लागि २३ जनाले उम्मेदवारी दिएकोमा प्रदिप केसी,बिकास गिरी,उपराज गौतम,राजु श्रेष्ठ,भरत केसी र दुर्गा गिरी निर्वाचित भएका छन् ।
प्रमुख निर्वाचन अधिकृत द्रोर्ण न्यौपानेका अनुसार १ हजार ८४९ मतदातामध्ये १ हजार ५०९ मत खसेको थियो ।
युनिकोड
मिति रूपान्तरण
प्रदेश खबर
प्रतिक्रिया