तहल्का पिट्दै विष्णु माझीको तीज गीत, एक दिनमै बनायो रेकर्ड

आइतबार, ०९ भदौ २०८१
काठमाडौँ । चर्चित गायिका विष्णु माझीको बहुप्रतिक्षीत तीज गीत ‘आइन् आमा यो तीजमा’ले एक दिनमै रेकर्ड बनाएको छ । शनिवार युट्युबमार्फत रिलिज गरिएको गीत एक दिनमै १५ लाखभन्दा बढीले हेरिसकेका छन् । आइतवार मध्यान्हसम्म माझीको गीत झण्डै १७ लाखले हेरेका छन् । ‘पुतलीको भट्टी’ श्रृङ्खलाको २० औं भागको रूपमा आएको गीतमा एक दिनमै झण्डै १५ हजारले कमेन्ट गरेका छन् । नेपाली संगीतको कुनै गीत छोटो समयमै यति धेरैले हेरेको पहिलो भएको कलाकारहरू बताउँछन् । माझीका पति सुन्दरमणि अधिकारीको शब्द र संगीत रहेको गीतको नृत्यमा ललिता पौडेलले अभिनय गरेकी छिन् । गीतमा खराब पतिका कारण एउटा महिलाले ब्यहोर्नुपरेको कष्ट उतारिएको छ । माझीको गीत आएपछि आफ्नो गीत छायाँमा पर्ने र प्रतिस्पर्धा गर्न नसक्ने भन्दै नवोदित कलाकारहरूले साउन महिनामै तीज गीत सार्वजनिक गरेका थिए । सार्वजनिक जीवनमा नदेखिएकी माझीले विगतमा गाएका गीतले पनि रेकर्ड बनाएका थिए । २०७८ सालमा आएको ‘चरी जेलै’मा भन्ने गीत ‘५३ मिलियन’ अर्थात् ५ करोड ३० लाख पटक हेरिएको छ ।

प्रतिक्रिया

प्रदेश खबर
लेखकको बारेमा
प्रदेश खबर

सम्बन्धित समाचार