तिनदिने उद्घोषण तथा आधारभुत पत्रकारिता तालिम सम्पन्न

धरानमा तिनदिने उद्घोषण तथा आधारभुत पत्रकारिता तालिम सम्पन्न भएकोछ । ज्योती चर्च धरान ५ को आयोजना तथा हार्ट एफ एम धरानको संयोजनमा संचालित तालिम मङ्गसीर १४ गते देखी १६ गते सम्म ज्योति चर्चकै भवनमा संचालन गरिएको थियो । उद्घोषण, मन्चीय कार्यक्रम , संचारको अवधारणा ,भाषणकला , रेडियो उद्घोषण, रेडियो प्रोग्राम , पत्रकारिताको अर्थ , पत्रकारिताको परिभाषा , समाचार र अहिलेका सामाजिक संजालको बिषयमा प्रशिक्षण गरिएको थियो । तालिममा सामाजिक संजाल र त्यसको सही सदुपयोगका बिषयमा नेपाल पत्रकार महासंघ केन्द्रिय सदस्य भीषण राईले प्रशिक्षण गरेका थिए । पत्रकारिताको अर्थ, परिभाषा र समाचार लेखनका विषयमा नेपाल पत्रकार महासंघ सुनसरीका पुर्व अध्यक्ष तथा कोशीपत्र दैनिकका सम्पादक राजेश बिद्रोहीले प्रशिक्षण गरेका थिए । मञ्चिय उदघोषण कार्यक्रम, सामाजिक संजाल युट्यूवको प्रयोग बिधि र आम्दानीको श्रोतका विषयमा चलचित्र पत्रकार संघ सुनसरीका उपाध्यक्ष मनोज दाहालले प्रशिक्षण गरेका थिए भने सञ्चारको अवधारणा ,भाषणकला , रेडियो उदघोषण तथा रेडियो कार्यक्रमका विषयमा हार्ट एफ एम का कार्यक्रम संयोजक बिनोद विश्वकर्माले प्रशिक्षण गरेका थिए । प्रशिक्षणमा २७ जना सहभागीको सहभागिता रहेको थियो । हिमालयन अगुवापन तालिम र ज्योति चर्चको आयोजनामा एक महिना देखी बाइबलिय अगुवापन तालिम सञ्चालन हुँदै आएको थियो । सोही तालिममा प्रशिक्षार्थीहरुलाई सञ्चार क्षेत्रको आधारभुत ज्ञान प्रदान गर्ने उद्देश्य सहित तिनदिने उदघोषण तथा आधारभुत पत्रकारिता तालिम आयोजना गरिएको चर्चका पास्टर मचिन्द्र लावतीले जानकारी दिए ।