काठमाडौं : राष्ट्रिय स्वतन्त्र पार्टी (रास्वपा)का सभापति रवि लामिछानेको रिहा माग अस्वीकार गर्दै सर्वोच्च अदालतले दिएको आदेशलाई पार्टी कार्यकर्ताहरूले स्वीकार गरे पनि त्यसबाट आफूहरू भावनात्मक रूपमा दुःखी भएको प्रतिक्रिया दिएका छन्।
सर्वोच्च अदालतले सोमवार सुनाएको आदेशपछि रास्वपाका कार्यकर्ताहरू काठमाडौंस्थित वामाराज्य अदालत परिसरमा जम्मा भएका थिए। आदेश सार्वजनिक भएपछि प्रतिक्रिया दिँदै रास्वपाका लुम्बिनी प्रदेश उपाध्यक्ष शालिकराम घिमिरेले भने, “अदालतको आदेश मान्नुको विकल्प छैन। तर, यस्तो आदेशले हाम्रो मन दुखेको छ। कार्यकर्ता र शुभचिन्तक निराश भएका छन्।”
लामिछाने अहिले बुटवलको सुप्रिम सहकारी प्रकरणमा संलग्न रहेको अभियोगमा भैरहवास्थित कारागारमा थुनामा रहेका छन्। सो मुद्दामा अनुसन्धान जारी छ।
यसअघि सर्वोच्चले सामाजिक सञ्जाल तथा सञ्चारमाध्यममा न्यायालयको आदेशप्रति गरिएको लाञ्छनायुक्त टिप्पणीप्रति गम्भीर ध्यानाकर्षण गर्दै सबै पक्षलाई संयमित र जिम्मेवार रहन पनि आदेश दिएको थियो।
युनिकोड
मिति रूपान्तरण
प्रदेश खबर
प्रतिक्रिया