सबैथोक ढोकामै पाइन्छ

सेमन्त उपाध्याय खाना, पाइखाना चामल बोराको दूध पोकाको पानी बोतलको चिउरा प्याकेटको स्कूलको बस पढाइको फी लुगा, टाइ बेल्टको बिल ट्युसन पढाउने मास्टर सबै ढोकामै आउँछ बिजुलीको बील बोतलको चिल लुगा, जुत्ता, चस्मा बुढापाकालाई लगाउने दराजबाट मगाउने बच्चालाई हगाउने घरधन्दा सघाउने धोबी, टिभि, एसी फेन बनाउने सबै ढोकामै आउँछ बैंकको किस्ता चेलीका लागि रिस्ता हात माग्ने पैसा माग्ने चुनावमा नेता बाबाजी, सन्यासी हावाहुरी बतास असिना घाम पानी दुःख कस्ट, रोग, महामारी सबै ढोकामै आउँछ नआउने चुनाव सकिएपछि नेता अमेरिका गएको बेटा खुसी, समृद्धि पैसो शिक्षा, स्वास्थ्य उपचार स्वस्थ हावा सद्बुद्धि, सत्कर्म ध्यान, योग यी कहिलै ढोकामा आएनन् –इटहरी ५, सुनसरी